మ్యాన్ ఆఫ్ మాసెస్ జూ.ఎన్టీఆర్ నటిస్తున్న లేటెస్ట్ సెన్సేషనల్ మూవీ ‘దేవర’ ఎప్పుడెప్పుడు రిలీజ్ అవుతుందా అని ప్రేక్షకులు ఎంతో ఆసక్తిగా ఎదురుచూస్తున్నారు. ఈ సినిమాను దర్శకుడు కొరటాల శివ డైరెక్ట్ చేస్తుండటంతో ఈ సినిమాపై అంచనాలు పీక్స్‌లో నెలకొన్నాయి. ఇప్పటికే రిలీజ్ అయిన ఈ మూవీ పోస్టర్స్, వీడియో గ్లింప్స్, సాంగ్స్ ఈ సినిమాపై అంచనాలను అమాంతం పెంచేశాయి. అయితే, ఈ సినిమా విషయంలో మేకర్స్ 9 సెంటిమెంట్‌ను ఫాలో అవుతున్నారనే టాక్ ప్రస్తుతం జోరుగా వినిపిస్తోంది.
తారక్ లక్కీ నెంబర్ 9 అని అందరికీ తెలిసిందే. అందుకే ఆయనకు సంబంధించిన కార్లు అన్నింటికీ 9999 నెంబర్ ఉంటుంది. ఇక దేవర సినిమా విషయంలోనూ 9 సంఖ్య మనకు కనిపించేలా మేకర్స్ ప్లాన్ చేస్తున్నారు. ఈ సినిమా రిలీజ్‌ను సెప్టెంబర్‌కి మార్చారు. ఇది క్యాలెండర్‌లో 9వ నెల కావడం విశేషం. అలాగే, రిలీజ్ డేట్‌ని 27గా నిర్ణయించారు. 2+7 కలిపితే 9 వస్తుంది. అంతేగాక, ఈ సినిమాను ప్రీమియర్ షోలుగా అర్థరాత్రి 1.08 గంటలకు వేయాలని మేకర్స్ చూస్తున్నారు. 1+8 కలిపితే కూడా 9 వస్తోంది.
ఇలా ఎటు చూసినా 9 సంఖ్యాబలం ఉండేలా దేవర మేకర్స్ ప్లాన్ చేస్తుండటంతో అభిమానులు సంతోషం వ్యక్తం చేస్తున్నారు. మరి నిజంగానే 9 ‘దేవర’ సక్సెస్‌కి కలిసొస్తుందా అని కామన్ ఆడియెన్స్ ఆలోచిస్తున్నారు.
