“జై హనుమాన్” అప్డేట్ స్కిప్ చేసారా?

టాలీవుడ్ మొదటి సెన్సేషనల్ హిట్ సూపర్ చిత్రం “హను మాన్” (Hanu Man Movie) కోసం తెలిసిందే. యంగ్ హీరో తేజ సజ్జ (Teja Sajja) అలాగే టాలెంటెడ్ దర్శకుడు ప్రశాంత్ వర్మ కాంబినేషన్ లో వచ్చిన ఈ చిత్రం భారీ వసూళ్లతో పాన్ ఇండియా మార్కెట్ లో మంచి గుర్తింపు తెచ్చుకుంది. అయితే ఈ సినిమాకి సీక్వెల్ గా “జై హనుమాన్” (Jai Hanuman) ని మేకర్స్ అనౌన్స్ చేయడంతో దీనికోసం ఎదురు చూసేవాళ్ళు కూడా అనేకమంది ఉన్నారు.

మరి ఈ సినిమా అప్డేట్స్ కూడా అతి త్వరలోనే వస్తాయి అని ప్రశాంత్ వర్మ కూడా ప్రామిస్ చేసాడు. దానికి తోడు ఈ ఉగాది కానుకగా సినిమా ఫస్ట్ లుక్ (Jai Hanuman First Look) ఉండొచ్చు అని కూడా చాలా మంది ఎదురు చూసారు. వీటికి అనుగుణంగా తేజ సజ్జ, ప్రశాంత్ వర్మలు ఉగాది, ఏప్రిల్ అంటూ హింట్స్ ఇవ్వడం మరింత ఆసక్తిగా మారింది.

దానికి తోడు పైగా హనుమంతునికి ప్రీతికరమైన రోజు మంగళవారం నాడు “హను మాన్” ఒకో అప్డేట్ ని అప్పుడు ఇవ్వడం ఇప్పుడు ఉగాది కూడా మంగళవారం రావడంతో సెంటిమెంట్ గా జై హనుమాన్ అప్డేట్ పట్ల మరింత బలమైన సంకేతాలు చూపించాయి. కానీ ఫైనల్ గా వారు ఇచ్చిన హింట్స్ కి తగ్గట్టుగా ఎలాంటి అప్డేట్స్ రాలేదు. మరి దీనితో ఇద్దామనుకొని స్కిప్ చేసారా లేక వేరే కారణం ఉందా అనేది వాళ్ళకే తెలియాలి. మొత్తానికి మాత్రం జై హనుమాన్ అప్డేట్ ని ఆశించినవారు మాత్రం ఈ ఉగాదికి కాస్త డిజప్పాయింట్ అయ్యారు.