గ్లోబల్ స్టార్ రామ్ చరణ్ హీరోగా కియార అద్వానీ అలాగే అంజలి కాంబినేషన్ లో సెన్సేషనల్ దర్శకుడు శంకర్ దర్శకత్వంలో తెరకెక్కుతున్న అవైటెడ్ చిత్రమే “గేమ్ ఛేంజర్”. చరణ్ సహా శంకర్ అభిమానులు కూడా ఎంతో ఆసక్తిగా ఎదురు చూస్తున్న ఈ సినిమా ప్రమోషన్స్ సహా ఇప్పుడు ఈవెంట్స్ కి రంగం సిద్ధం చేస్తుండగా ఈ సినిమా రిలీజ్ పట్ల ఓ ఇంట్రెస్టింగ్ బజ్ వినిపిస్తుంది.
మేకర్స్ ఈ చిత్రాన్ని కేవలం తెలుగు, తమిళ్, హిందీ భాషల్లో మాత్రమే రిలీజ్ ప్లాన్ చేసిన సంగతి తెలిసిందే. కానీ ఇపుడు మరో భాషలో కూడా గేమ్ ఛేంజర్ రానుంది అని తెలుస్తోంది. లేటెస్ట్ టాక్ ప్రకారం గేమ్ ఛేంజర్ కన్నడంలో కూడా విడుదల కానుందట. ప్రస్తుతం డబ్బింగ్ పనులు కూడా జరుగుతున్నట్టు టాక్. మరి దీనిపై అధికారిక ప్రకటన ఇంకా రావాల్సి ఉంది.