టాలీవుడ్ సూప‌ర్ స్టార్ మ‌హేష్ బాబు ప్ర‌స్తుతం త‌న కెరీర్ లోని 29వ చిత్రాన్ని సెన్సేష‌న‌ల్ డైరెక్ట‌ర్ ఎస్ఎస్.రాజ‌మౌళి ద‌ర్శ‌క‌త్వంలో తెర‌కెక్కించేందుకు రెడీ అవుతున్నాడు. ఈ సినిమాను బిగ్గెస్ట్ అడ్వెంచ‌ర్ మూవీగా తీసుకొచ్చేందుకు రాజ‌మౌళి అండ్ టీమ్ సిద్ధ‌మ‌వుతున్నారు.

ఇక ఈ సినిమా కోసం మ‌హేష్ సాలిడ్ మేకోవ‌ర్ అవుతున్నాడు. ఇప్ప‌టికే జుట్టు, గ‌డ్డం బాగా పెంచిన‌ట్లుగా మ‌హేష్ క‌నిపిస్తున్నాడు. అయితే, ఈ సినిమా వెన‌క రాజ‌మౌళి, రచ‌యిత విజయేంద్ర ప్ర‌సాద్ లు మాత్ర‌మే కాకుండా వేరొక వ్య‌క్తి కూడా ఉన్న‌ట్లుగా తెలుస్తోంది. ఆయ‌నే ఎస్ఎస్.కాంచి. రాజ‌మౌళి క‌జిన్ అయిన కాంచి ఈ సినిమా క‌థ‌కు సంబంధించి విజ‌యేంద్ర ప్ర‌సాద్ కు త‌న ఆలోచ‌న చెప్పాడ‌ట‌.

ఆయ‌న చెప్పిన పాయింట్ న‌చ్చ‌డంతో విజ‌యేంద్ర ప్ర‌సాద్ ఈ అడ్వెంచ‌ర్ క‌థను రాశార‌ట‌. ఈ క‌థ వెన‌కాల కాంచి ఆలోచ‌న‌లు, సూచ‌న‌లు ఉన్నాయ‌ని తెలుస్తోంది. ఇక మ‌హేష్ బాబు కెరీర్ లో ఇది బిగ్గెస్ట్ మూవీగా రానుంది. ఈ సినిమాను అతి త్వ‌ర‌లో ప‌ట్టాలెక్కించేందుకు చిత్ర యూనిట్ రెడీ అవుతోంది.