పవర్ స్టార్ పవన్ కళ్యాణ్ హీరోగా నిధి అగర్వాల్ హీరోయిన్ గా దర్శకుడు జ్యోతి కృష్ణ తెరకెక్కిస్తున్న భారీ పాన్ ఇండియా చిత్రం కోసం “హరిహర వీరమల్లు” కోసం అందరికీ తెలిసిందే. మరి ఎన్నో అంచనాలు ఉన్న ఈ చిత్రం షూటింగ్ దాదాపు కంప్లీట్ కాబోతుండగా ఈ సినిమాకి సంబంధించి ఫస్ట్ సింగిల్ ని ఎప్పుడు నుంచో రిలీజ్ కి వస్తుంది అని టాక్ ఉంది. అయితే ఇపుడు ఫైనల్ గా ఈ సాంగ్ పై మళ్ళీ బజ్ వినిపిస్తుంది.
దీని ప్రకారం ఈ క్రిస్మస్ కానుకగా లేదా జనవరి 1 కొత్త సంవత్సరం కానుకగా వచ్చే ఛాన్స్ ఉన్నట్టు తెలుస్తుంది. మరి దీనిపై అధికారిక క్లారిటీ రావాల్సి ఉంది. ఇక ఈ చిత్రానికి ఎం ఎం కీరవాణి సంగీతం అందిస్తుండగా ఫస్ట్ సింగిల్ గా పవన్ పాడిన పాటే రానుంది అని ఎప్పుడు నుంచో టాక్ ఉంది. మరి ఈ అవైటెడ్ సాంగ్ ఎపుడు వస్తుందో చూడాలి. ఇక ఈ భారీ చిత్రాన్ని ఏ ఎం రత్నం నిర్మాణం వహిస్తుండగా రానున్న మార్చ్ 28న సినిమా పాన్ ఇండియా లెవెల్లో రిలీజ్ కి రాబోతుంది.