టాలీవుడ్ ఎనర్జిటిక్ స్టార్ హీరో రామ్ పోతినేని ప్రధాన పాత్రలో, డాషింగ్ డైరెక్టర్ పూరి జగన్నాథ్ దర్శకత్వంలో తెరకెక్కిన ఇస్మార్ట్ శంకర్ చిత్రం థియేటర్ల లో రిలీజ్ అయ్యి ప్రేక్షకులను, అభిమానులని విశేషం గా ఆకట్టుకుంది. ఈ చిత్రం బాక్సాఫీస్ వద్ద మంచి వసూళ్లను రాబట్టడం జరిగింది. హిందీ లో ఈ సినిమా మంచి రెస్పాన్స్ ను సొంతం చేసుకుంది. ఈ చిత్రం హిందీ వెర్షన్ ను యూ ట్యూబ్ లో అప్ లోడ్ చేయగా, 350 మిలియన్స్ కి పైగా వ్యూస్ ను సొంతం చేసుకుంది.
ఇది సెన్సేషన్ రెస్పాన్స్ అని చెప్పాలి. హిందీ ఆడియెన్స్ లో రామ్ కి మంచి ఫాలోయింగ్ ఉంది. ఈ చిత్రం కి సంబందించిన సీక్వెల్ డబుల్ ఇస్మార్ట్ ప్రస్తుతం శరవేగంగా షూటింగ్ జరుపుకుంటున్న సంగతి అందరికీ తెలిసిందే. వీలైన త్వరగా ప్రేక్షకుల ముందుకి తీసుకు వచ్చేందుకు మేకర్స్ సన్నాహాలు చేస్తున్నారు. సంజయ్ దత్ కీలక పాత్రలో నటిస్తున్న ఈ చిత్రానికి మెలోడి బ్రహ్మ మణిశర్మ సంగీతం అందిస్తున్నారు.