టాలీవుడ్ టాలెంటెడ్ యాక్టర్ సుహస్ ప్రధాన పాత్రలో, దర్శకుడు సందీప్ బండ్ల రచన మరియు దర్శకత్వంలో తెరకెక్కిన చిత్రం జనక అయితే గనక. ఈ చిత్రం నుండి రిలీజైన ప్రచార చిత్రాలు ప్రేక్షకులని బాగా అలరించాయి. రిలీజైన ట్రైలర్ సినిమాపై మరింత ఆసక్తిని పెంచింది. సెప్టెంబర్ 7 వ తేదీన విడుదల కాబోతున్న ఈ చిత్రం మరొక డేరింగ్ స్టెప్ ను తీసుకుంది.
సుహస్ గత చిత్రాలు స్పెషల్ ప్రీమియర్ షోలతో ఆకట్టుకున్నాయి. ఇప్పుడు ఈ జనక అయితే గనక చిత్రం కూడా తెలుగు రాష్ట్రాల్లో స్పెషల్ ప్రీమియర్ షోలతో అలరించడానికి రెడీ అయిపోయింది. సెప్టెంబర్ 6 వ తేదీన తెలుగు రాష్ట్రాల్లో ఈ స్పెషల్ షోలు ఉండనున్నాయి అని మేకర్స్ సరికొత్త పోస్టర్ ద్వారా వెల్లడించారు. సంగీర్తన, వెన్నెల కిషోర్, రాజేంద్ర ప్రసాద్ తదితరులు కీలక పాత్రల్లో కనిపించనున్న ఈ చిత్రానికి విజయ్ బుల్గానిన్ సంగీతం అందించాడు. దిల్ రాజు ప్రొడక్షన్స్ పతాకంపై నిర్మించిన ఈ చిత్రానికి శిరీష్ సమర్పకులుగా వ్యవహరిస్తున్నారు.
