స్టార్ డైరెక్టర్ కొరటాల శివ దర్శకత్వంలో ‘యంగ్ టైగర్ ఎన్టీఆర్’ హీరోగా రాబోతున్న పాన్ ఇండియా సినిమా ‘దేవర పార్ట్ 1’. ఈ చిత్రంలో జాన్వీ కపూర్ హీరోయిన్ గా నటిస్తోంది. ఐతే, దేవరలో ఎన్టీఆర్ నటన పై ఇప్పటికే ఎన్నో వార్తలు వచ్చాయి. ఇప్పుడు ఎన్టీఆర్ క్యారెక్టర్ లోని వేరియేషన్స్ పై ఓ అప్ డేట్ వినిపిస్తోంది. సముద్రంలా ప్రశాంతంగా కనిపించే తారక్ పాత్రలో సునామీ లాంటి విధ్వంస కారుడు కూడా ఉంటాడని.. ‘దేవర పార్ట్ 1’ సెకండ్ హాఫ్ లో ఈ వేరియేషన్ చాలా బలంగా కనిపిస్తోందని.. ఇక ఎన్టీఆర్ పై యాక్షన్ సీన్స్ చూస్తే గూస్ బంప్స్ వచ్చేలా ఉంటాయని తెలుస్తోంది.
కాగా ఈ సినిమాలో బాలీవుడ్ స్టార్ సైఫ్ అలీఖాన్ విలన్ గా నటిస్తున్నాడు. మొత్తానికి దేవర సినిమాపై రోజురోజుకూ అంచనాలు పెరుగుతున్నాయి. అనిరుధ్ రవిచందర్ సంగీత దర్శకుడిగా వ్యవహరిస్తున్న ఈ సినిమాలో షైన్ టామ్ చాకో, ప్రకాష్ రాజ్, శ్రీకాంత్ తదితరులు కీలక పాత్రల్లో నటిస్తున్నారు. సెప్టెంబర్ 27న పాన్ ఇండియా లెవెల్లో ఈ చిత్రం రిలీజ్ కి రాబోతుంది.
