బాలీవుడ్ బ్యూటీ జాన్వీ కపూర్ టాలీవుడ్‌లో సాలిడ్ ఎంట్రీ ఇచ్చేందుకు సిద్ధమైంది. మ్యాన్ ఆఫ్ మాసెస్ జూ.ఎన్టీఆర్ హీరోగా తెరకెక్కుతోన్న ‘దేవర’ సినిమాలో హీరోయిన్‌గా ఈ బ్యూటీ తన సత్తా చాటేందుకు రెడీ అయ్యింది. దర్శకుడు కొరటాల శివ డైరెక్షన్‌లో వస్తోన్న ఈ సినిమాలో అమ్మడు తన నటనతో పాటు గ్లామర్ డోస్‌తో ఆడియెన్స్‌ను ఉక్కిరిబిక్కిరి చేసేందుకు సిద్ధమైంది. ఇక ఈ సినిమా నుంచి ఇటీవల ‘చుట్టమల్లె’ అనే రొమాంటిక్ సాంగ్‌ను రిలీజ్ చేశారు మేకర్స్.
ఈ పాటను రొమాంటిక్ మెలోడీగా చిత్ర యూనిట్ ప్రెజెంట్ చేయనుంది. ఈ పాటలో జాన్వీ తన అందాలతో కుర్రకారును ఆకట్టుకుంటోంది. ఈ పాట రిలీజ్ అయ్యి రోజులు గడుస్తున్నా యూత్ ఈ పాటకు అట్రాక్ట్ అయ్యి అదే మేనియాలో ఊగిసలాడుతున్నారు. అటు జాన్వీ కూడా ఈ పాటకు బాగా అడిక్ట్ అయ్యిందట. ఆమె తన సోషల్ మీడియాలో రోజూ ఈ పాటకు సంబంధించి ఏదో ఒక విషయాన్ని రివీల్ చేస్తూ అభిమానులు అలరిస్తోంది.
తాజాగా ఈ పాట హిందీ వర్షెన్‌కి అమ్మడు ఓ రీల్ చేసి తన ఇన్‌స్టా లో పోస్ట్ చేసింది. ఈ రీల్‌కి అభిమానులు ఫిదా అవుతున్నారు. తన అందంతో అభిమానుల గుండెల్ని చుట్టేస్తోంది అంటూ నెటిజన్లు కామెంట్ చేస్తున్నారు. ఇక దేవర చిత్రాన్ని సెప్టెంబర్ 27న ప్రపంచవ్యాప్తంగా గ్రాండ్ రిలీజ్ చేసేందుకు మేకర్స్ రెడీ అవుతున్నారు.