హీరో సందీప్ కిషన్ ప్రస్తుతం చాలా సెలెక్టివ్‌గా సినిమాలు చేస్తున్నాడు. మంచి పాత్ర ఉంటే భాషతో సంబంధం లేకుండా సినిమాలు చేస్తూ దూసుకెళ్తున్నాడు. ధనుష్ తెరకెక్కించిన ‘రాయన్’ చిత్రంలో మాస్ పాత్రలో నటించిన సందీప్ ప్రేక్షకులను ఆకట్టుకున్నాడు. ఇక ఇప్పుడు తన నెక్స్ట్ మూవీని అనౌన్స్ చేశాడు ఈ యంగ్ హీరో. ఆయన తన నెక్స్ట్ చిత్రాన్ని తమిళ స్టార్ హీరో విజయ్ తనయుడు జేసన్ సంజయ్ డైరెక్షన్‌లో తెరకెక్కించేందుకు సిద్ధమయ్యాడు.
ఈమేరకు మేకర్స్ అఫీషియల్ అనౌన్స్‌మెంట్‌ను ఇచ్చారు. దర్శకుడిగా తన తొలి చిత్రాన్ని పట్టాలెక్కించేందుకు సందీప్ కిషన్‌ను తన హీరోగా సెలెక్ట్ చేసుకున్నాడు జేసన్ సంజయ్. ఈ సినిమాను లైకా ప్రొడక్షన్స్ బ్యానర్ ప్రొడ్యూస్ చేయనుండగా, థమన్ ఈ చిత్రానికి సంగీతం అందించనున్నాడు. ఈ చిత్ర అనౌన్స్‌మెంట్‌ను మోషన్ పోస్టర్‌గా రిలీజ్ చేశారు. ఈ మోషన్ పోస్టర్‌కు థమన్ ఇచ్చిన బీజీఎం రాకింగ్‌గా ఉంది.
మొత్తానికి సందీప్ కిషన్‌తో జేసన్ సంజయ్ ఏదో గట్లిగానే ప్లాన్ చేశాడని ఈ మోషన్ పోస్టర్ చూస్తే అర్థమవుతోంది. మరి ఈ సినిమాను ఎలాంటి కథతో తెరకెక్కించనున్నారు, ఈ సినిమాలో మిగతా నటీనటులు, టెక్నీషియన్స్ ఎవరనేది తెలియాల్సి ఉంది.
