మాస్ రాజా ర‌వితేజ లేటెస్ట్ మూవీ ‘మిస్టర్ బ‌చ్చ‌న్’ ఆగ‌స్టు 15న రిలీజ్ కు రెడీ అయ్యింది. ద‌ర్శ‌కుడు హ‌రీష్ శంక‌ర్ తెర‌కెక్కిస్తున్న ఈ మాస్ యాక్ష‌న్ ఎంట‌ర్టైన‌ర్ మూవీకి సంబంధించిన పోస్ట‌ర్స్, టీజ‌ర్, ట్రైల‌ర్లు ఇప్ప‌టికే మంచి బ‌జ్ ను క్రియేట్ చేశాయి. ఇక ఈ సినిమాలోని రెండు పాట‌లు ఈ సినిమాపై మ‌రింత ఆస‌క్తిని క్రియేట్ చేశాయి.
అయితే, తాజాగా ఈ సినిమాలోని మూడో సాంగ్ గా ‘జిక్కీ’ ని రిలీజ్ చేశారు మేక‌ర్స్. రొమాంటిక్ మెలోడీ సాంగ్ గా వ‌స్తున్న ఈ సాంగ్ కు వ‌న‌మాలి లిరిక్స్ అందించారు. ఇక ఈ పాట‌ను కార్తీక్, ర‌మ్య బెహ‌రా ఆల‌పించారు. ఇక ఈ పాట‌లో భాగ్యశ్రీ అందానికి అభిమానులు ఫిదా అవుతున్నారు.
ఈ సినిమాలో ర‌వితేజ ప‌ర్ఫార్మెన్స్ ప్రేక్ష‌కుల‌ను అమితంగా ఆక‌ట్టుకోవ‌డం ఖాయ‌మ‌ని చిత్ర యూనిట్ చెబుతోంది. ఈ సినిమాతో ర‌వితేజ-హ‌రీష్ శంక‌ర్ కాంబో హ్యాట్రిక్ విజ‌యాన్ని న‌మోదు చేసుకుంటుంద‌ని అభిమానులు ధీమా వ్య‌క్తం చేస్తున్నారు. ఈ సినిమాలో జ‌గ‌ప‌తి బాబు విల‌న్ గా న‌టిస్తుండ‌గా మిక్కీ జే మేయ‌ర్ సంగీతం అందిస్తున్నాడు.
