మ్యాచో స్టార్ గోపీచంద్ హీరోగా న‌టిస్తున్న తాజా చిత్రం ‘విశ్వం’ ఇప్ప‌టికే శ‌ర‌వేగంగా షూటింగ్ జ‌రుపుకుంటోంది. ఈ సినిమాని ద‌ర్శ‌కుడు శ్రీ‌ను వైట్ల తెర‌కెక్కిస్తుండ‌టంతో ఈ మూవీపై ప్రేక్ష‌కుల‌తో పాటు సినీ సర్కిల్స్ లోనూ మంచి బ‌జ్ క్రియేట్ అయ్యింది. ఈ సినిమాతో హీరో, డైరెక్ట‌ర్ ఖ‌చ్చితంగా హిట్ కొట్టాల‌నే కసితో ఉన్నారు.

ఇక ఈ సినిమాకు సంబంధించి తాజాగా ఓ అప్డేట్ ఇచ్చారు మేక‌ర్స్. ”జ‌ర్నీ ఆఫ్ విశ్వం” అంటూ ఈ సినిమా నుంచి ఓ ట్రీట్ ఇచ్చేందుకు చిత్ర యూనిట్ రెడీ అయ్యింది. ఈ ‘జ‌ర్నీ ఆఫ్ విశ్వం’ గ్లింప్స్ ను జూలై 31న ఉద‌యం 11.07 గంట‌ల‌కు రిలీజ్ చేస్తున్న‌ట్లు చిత్ర యూనిట్ ప్ర‌క‌టించింది.

ఈ సినిమాలో గోపీచంద్ మ‌రోసారి త‌న యాక్ష‌న్ తో ప్రేక్ష‌కుల‌ను ఆక‌ట్టుకోవ‌డం ఖాయ‌మ‌ని చిత్ర యూనిట్ తెలిపింది. ఇప్ప‌టికే రిలీజ్ అయిన ఈ చిత్ర ఫ‌స్ట్ స్ట్రైక్ టీజ‌ర్ ప్రేక్ష‌కుల‌ను ఆక‌ట్టుకోవ‌డంతో, ఇప్పుడు ఈ ‘జ‌ర్నీ ఆఫ్ విశ్వం’ గ్లింప్స్ కోసం ఆస‌క్తిగా చూస్తున్నారు. ఈ సినిమాలో అందాల భామ కావ్య థాప‌ర్ హీరోయిన్ గా న‌టిస్తోంది. చైతన్ భ‌ర‌ద్వాజ్ సంగీతం అందిస్తున్న ఈ సినిమాను పీపుల్ మీడియా ఫ్యాక్ట‌రీ పై టిజి.విశ్వ‌ప్ర‌సాద్, చిత్రాల‌యం స్టూడియోస్ బ్యాన‌ర్ పై వేణు దొనెపూడి ప్రొడ్యూస్ చేస్తున్నారు.