‘ఆయ్’ చిత్ర టీమ్‌కి బెస్ట్ విషెస్ చెప్పిన ఎన్టీఆర్, రష్మిక

నార్నె నితిన్, నయన్ సారిక హీరోహీరోయిన్లుగా తెరకెక్కిన యూత్‌ఫుల్ ఎంటర్‌టైనర్ మూవీ ‘ఆయ్’ ప్రేక్షకుల్లో మంచి బజ్‌ని క్రియేట్ చేసింది. అంజి కె మణిపుత్ర డైరెక్ట్ చేసిన ఈ సినిమాను GA2 పిక్చర్స్ బ్యానర్‌పై బన్నీ వాస్ ప్రొడ్యూస్ చేస్తుండటంతో ఈ మూవీకి మంచి హైప్ క్రియేట్ అయ్యింది. అటు ఈ సినిమా టీజర్, ట్రైలర్లు కూడా మంచి కంటెంట్‌తో రావడంతో ఈ సినిమా కోసం అభిమానులు ఆసక్తిగా చూస్తున్నారు.

నిన్న జరిగిన ఈ చిత్ర ప్రీ-రిలీజ్ ఈవెంట్‌తో ‘ఆయ్’ మూవీపై సినీ సర్కిల్స్‌లోనూ పాజిటివ్ వైబ్స్ క్రియేట్ అయ్యాయి. ఇక ఈ వేడుకలో నిర్మాత బన్నీ వాస్ మ్యాన్ ఆఫ్ మాసెస్ జూ.ఎన్టీఆర్‌కు ప్రత్యేకంగా ధనవ్యాదాలు తెలిపాడు. తన ఫ్యామిలీ నుంచి వచ్చిన హీరోకి ఆయన ఇచ్చిన ఫ్రీడమ్ నిజంగా అభినందనీయమని బన్నీ వాస్ చెప్పుకొచ్చారు. ఇక తాజాగా జూ. ఎన్టీఆర్ ‘ఆయ్’ చిత్ర టీమ్‌కి తన బెస్ట్ విషెస్ చెబుతూ ట్వీట్ చేశాడు. ఈ సినిమా కోసం నార్నె నితిన్ చూపెట్టిన ఆసక్తి, అతడు పడ్డ కష్టం ఫలించాలని.. ఈ సినిమాతో మంచి విజయం అందుకోవాలని తారక్ అన్నాడు. ‘ఆయ్’ మూవీ సక్సెస్‌తో చిత్ర టీమ్‌కి మంచి పేరు రావాలని ఆయన ఈ సందర్భంగా కోరారు.

అటు నేషనల్ క్రష్ రష్మిక మందన్న కూడా ‘ఆయ్’ చిత్ర టీమ్‌కి బెస్ట్ విషెస్ చెబుతూ తాజాగా ట్వీట్ చేసింది. ఈ సినిమా విజయం అందరి ముఖాలపై సంతోషాన్ని తీసుకురావాలని ఆమె కోరారు.విద్యా కొప్పినీడి ప్రత్యేకంగా నీకు ఈ సినిమా సక్సెస్‌తో మంచి పేరు రావాలని కోరుతున్నా. అరవింద్, బన్నీ వాస్ గార్లకు ఈ మూవీ మంచి హిట్ అందించాలని కోరుతున్నట్లు ఆమె ట్వీట్ చేసింది.

ఇక మరో హీరో సాయి దుర్గ తేజ్ కూడా ఈ సినిమాను చూడబోతున్నట్లు ట్వీట్ చేయడం ఈ సినిమాపై మరింత బజ్ క్రియేట్ అయ్యేలా చేస్తోంది.