మిక్స్డ్ రెస్పాన్స్ తో కూడా భారీ వ్యూస్ కొల్లగొడుతున్న “దేవర”

మ్యాన్ ఆఫ్ మాసెస్ ఎన్టీఆర్ హీరోగా బాలీవుడ్ నటి జాన్వీ కపూర్ హీరోయిన్ గా దర్శకుడు కొరటాల శివ తెరకెక్కిస్తున్న సెన్సేషనల్ పాన్ ఇండియా చిత్రం “దేవర” కోసం అందరికీ తెలిసిందే. మరి ఈ చిత్రం నుంచి ఆడియో ఇప్పుడు మ్యూజిక్ ఛార్ట్స్ ని రూల్ చేస్తుంది. ఆల్రెడీ అనిరుద్ కంపోజ్ చేసిన ఫియర్ సాంగ్ అదరగొట్టగా ఎంతో ఆసక్తిగా ఎదురు చూస్తూ వచ్చిన రెండో సాంగ్ చుట్టమల్లే కూడా అదిరే రెస్పాన్స్ తో దూసుకెళ్తుంది.

అయితే ఈ సాంగ్ కి మరింత స్థాయిలో మిక్స్డ్ టాక్ వచ్చింది కానీ అనూహ్యంగా ఈ రెస్పాన్స్ తో కూడా భారీ వ్యూస్ ని ఈ సాంగ్ కొల్లగొడుతుంది. లేటెస్ట్ గా మొత్తం అన్ని భాషలు కలిపి 40 మిలియన్ వ్యూస్ ని ఈ సాంగ్ దాటేసి ఆశ్చర్యపరిచింది అని చెప్పాలి. రెండు రోజులు కూడా పూర్తి కాకుండా ఈ రేంజ్ రెస్పాన్స్ అంటే సంగీత ప్రియులు బాగానే వింటున్నారని చెప్పాలి. ఇక ఈ చిత్రంలో సైఫ్ అలీఖాన్ విలన్ గా నటిస్తుండగా ఎన్టీఆర్ ఆర్ట్స్, యువసుధ ఆర్ట్స్ వారు నిర్మాణం వహిస్తున్నారు. అలాగే ఈ సెప్టెంబర్ 27న సినిమా గ్రాండ్ గా రిలీజ్ కాబోతుంది.