మ్యాన్ ఆఫ్ మాసెస్ జూ.ఎన్టీఆర్ ప్రస్తుతం తన తాజా చిత్రం ‘దేవర’తో బాక్సాఫీస్ దగ్గర సునామీ సృష్టించేందుకు సిద్ధమవుతున్నాడు. అయితే, తన తల్లికి చాలాకాలంగా ఓ కోరిక ఉందని.. దానిని నేడు నెరవేర్చానని తారక్ తాజాగా చెప్పుకొచ్చాడు. ఆయన ఇవాళ కర్ణాటకలోని ఉడుపి శ్రీకృష్ణ దేవాలయాన్ని సందర్శించారు.
పుట్టిన ఊరు సందర్శించడం.. ఉడుపిలోని శ్రీకృష్ణ మఠం దర్శించుకోవాలని తన తల్లికి ఎప్పటినుంచో కోరిక ఉందని.. అయితే, ఇవాళ ఆమె కోరిక తీరినందుకు సంతోషంగా ఉందని తారక్ తన సోషల్ మీడియా అకౌంట్‌లో పోస్ట్ చేశాడు. సెప్టెంబర్ 2న తన తల్లి పుట్టినరోజు ఉండటం.. రెండు రోజుల ముందు ఆమెకు ఈ విధంగా బహుమతి ఇవ్వడం సంతోషంగా ఉందని తారక్ చెప్పుకొచ్చాడు.
ఇక ఎన్టీఆర్‌కి తోడుగా ప్రముఖ దర్శకుడు ప్రశాంత్ నీల్ కూడా ఈ పర్యటనలో ఉన్నాడు. అయితే, కర్ణాటకలో ల్యాండ్ అయిన తారక్‌కి కన్నడ స్టార్ రిషబ్ శెట్టి వెల్కమ్ చెప్పడంతో పాటు ఆయనకు పర్యటనలో సాయం అందించాడు. కాగా, ఎన్టీఆర్ ఈ పర్యటనకు తన తల్లి, భార్య ప్రణీతను కూడా తీసుకువెళ్లారు. ప్రస్తుతం ఈ పర్యటనకు సంబంధించిన పలు ఫోటోలు, వీడియోలు నెట్టింట వైరల్ అవుతున్నాయి.
