బాలయ్య బుల్లి అభిమాని, అచ్చం బాలయ్య లాగే డైలాగ్ లు చేప్పే చిన్న పిల్లడు గోకుల్ ఇక లేరు. డెంగ్యూ వ్యాధితో చిన్న వయసులోనే ఈ లోకాన్ని విడిచి వెళ్లడం చాల బాధాకరమైన విషయం. కాగా ఈ విషయం తెలిసి బాలకృష్ణ స్పందించారు. ‘మాకు అభిమానుల కంటే విలువైనది మరొకటి ఉండదు. అలాంటి చిన్నారి అభిమాని గోకుల్. నేనంటే ప్రాణం ఇచ్చే ఈ చిన్నారి ఈ రోజు ప్రాణాలతో లేడన్న నిజం నా మనసును కలచివేసింది. అతడు డైలాగులు చెప్పిన విధానం.. హావభావాలు చూసి నాకు ఎంతో ముచ్చటేసేది.
ఎంతో భవిష్యత్తు ఉన్న ఈ చిన్నారి ఇంత చిన్న వయసులో డెంగ్యూ వ్యాధితో ఈ లోకాన్ని విడిచి వెళ్లడం చాలా బాధ కలిగించింది. ఈ చిన్నారి ఆత్మకు శాంతి కలగాలని కోరుకుంటూ.. అతని కుటుంబానికి నా ప్రగాఢ సానుభూతి తెలియజేస్తున్నాను – మీ నందమూరి బాలకృష్ణ’ అని సోషల్ మీడియా ద్వారా తన సానుభూతిని తెలియజేశారు. 123తెలుగు.కామ్ తరఫున ‘బాలయ్య అభిమాని గోకుల్’ మృతి పట్ల తీవ్ర సంతాపాన్ని వ్యక్తం చేస్తూ, శోహార్తులైన వారి కుటుంబ సభ్యులకు ప్రగాఢ సానుభూతిని తెలియజేస్తున్నాము.