యంగ్ హీరో కిరణ్ అబ్బవరం నటిస్తున్న లేటెస్ట్ మూవీ ‘క’ దీపావళి కానుకగా అక్టోబర్ 31న గ్రాండ్ రిలీజ్‌కు రెడీ అయ్యింది. ఈ సినిమాను సందీప్, సుజిత్ డైరెక్ట్ చేస్తుండగా పీరియాడిక్ థ్రిల్లర్‌గా ఈ చిత్రాన్ని రూపొందిస్తున్నారు. ఇక ఈ సినిమాతో కిరణ్ అబ్బవరం సాలిడ్ హిట్ కొట్టాలని చూస్తున్నాడు. ఈ క్రమంలోనే ఈ సినిమా ప్రీమియర్లు కూడా వేశారు మేకర్స్.
ఇక ఈ సినిమాకు సంబంధించిన డిజిటల్ పార్ట్‌నర్‌ను చిత్ర యూనిట్ లాక్ చేసుకుంది. ఈటీవీ ‘క’ చిత్ర టీవీ, ఓటీటీ రైట్స్‌ను మంచి ఫ్యాన్సీ రేటుకు సొంతం చేసుకున్నట్లు తెలుస్తోంది. ఈ చిత్రాన్ని రూ.10 కోట్లకు ఈటీవీ దక్కించుకుందని సినీ సర్కిల్స్‌లో వార్తలు వినిపిస్తున్నాయి. పాన్ ఇండియా సినిమాగా ‘క’ చిత్రాన్ని రూపొందించినా, ప్రస్తుతానికి కేవలం తెలుగులో మాత్రమే రిలీజ్ చేస్తున్నారు.
ఈ సినిమాలో తన్వీ రామ్, నయన్ సారిక హీరోయిన్లుగా నటిస్తున్నారు. ఈ చిత్రానికి సామ్ సిఎస్ సంగీతం అందిస్తున్నాడు. మరి ఈ సినిమాకు బాక్సాఫీస్ దగ్గర ఎలాంటి రెస్పాన్స్ లభిస్తుందో చూడాలి.