స్టార్ నటి కాజల్ అగర్వాల్ ప్రస్తుతం సత్యభామ మూవీతో పాటు కమల్ హాసన్ హీరోగా శంకర్ తెరకెక్కిస్తున్న ఇండియన్ 2 సినిమాలతో కెరీర్ పరంగా బిజీగా ఉన్నారు. ఇక ఏడాది క్రితం ఆమె ప్రధాన పాత్రలో తెరకెక్కిన కాజల్ కార్తీక మూవీ థియేటర్స్ లో ఆడియన్స్ ముందుకి వచ్చి పర్వాలేదనిపించేలా ఆడింది. ఇక మొత్తంగా ఏడాది తరువాత తాజాగా ఈ మూవీ ప్రముఖ ఓటిటి మాధ్యమం ఆహా ద్వారా ఓటిటి ఆడియన్స్ ముందుకి వచ్చేందుకు సిద్ధమైంది.
కాగా ఈ మూవీని ఏప్రిల్ 9న ఆహాలో ప్రసారం చేయనున్నారు. డీకేయ్ తెరకెక్కించిన ఈ మూవీలో రెజీనా, జనని, రైజా విల్సన్, అలానే ఇరానియన్ నటి నోయ్రికా తదితరులు కీలక పాత్రలు చేసారు. పేవ్ ఎంటర్‌టైన్‌మెంట్స్‌పై పదర్తి పద్మజ నిర్మించిన ఈ మూవీకి ప్రసాద్‌ ఎస్‌ఎన్‌ సంగీతం అందించారు. మరి ఓటిటి ఆడియన్స్ నుండి కాజల్ కార్తీక ఎంతమేర రెస్పాన్స్ సొంతం చేసుకుంటుందో చూడాలి.