“కల్కి” 1000 కోట్లు.. అమితాబ్ ఇంట్రెస్టింగ్ పోస్ట్ లు

పాన్ ఇండియా రెబల్ స్టార్ ప్రభాస్ హీరోగా నటించిన లేటెస్ట్ అవైటెడ్ చిత్రం “కల్కి 2898 ఎడి” కోసం అందరికీ తెలిసిందే. మరి ఈ చిత్రాన్ని దర్శకుడు నాగ్ అశ్విన్ తెరకెక్కించగా లెజెండరీ నటులు అమితాబ్ బచ్చన్, కమల్ హాసన్ లాంటి వారు ముఖ్య పాత్రలు వహించారు. ఇక ఇదిలా ఉండగా ఈ సినిమా వరల్డ్ వైడ్ గా సెన్సేషనల్ 1000 కోట్ల మార్క్ ని దాటిన సంగతి తెలిసిందే. అయితే 1000 కోట్ల మార్క్ దాటినందుకు మిగతా కాస్ట్ అంతా ఎలా ఫీల్ అవుతున్నారో ఏమో కాని లెజెండరీ నటుడు అమితాబ్ మాత్రం ఫుల్ ఖుషీగా ఉన్నారని అనిపిస్తుంది.

సోషల్ మీడియాలో కల్కి 1000 కోట్ల పోస్ట్ లకి తను రిప్లైలు, రీపోస్టులే కనిపిస్తున్నాయి. షారుఖ్ “పఠాన్” ని కల్కి కేవలం 15 రోజుల్లో క్రాస్ చేసింది అంటే అమేజింగ్ అని మరో పోస్ట్ కి ఇలాంటి ఒక అద్భుతమైన సినిమాలో భాగం అయ్యినందుకు ఎంతో గర్వపడుతున్నాను అంటూ అమితాబ్ రిప్లై పోస్ట్ లు చేస్తున్నారు. మొత్తానికి కల్కి సక్సెస్ ని మాత్రం అందరి కంటే అమితాబ్ నే ఎక్కువ ఎంజాయ్ చేస్తున్నారని చెప్పొచ్చు.