పాన్ ఇండియా స్టార్ ప్ర‌భాస్ న‌టించిన ‘క‌ల్కి 2898 AD’ బాక్సాఫీస్ ద‌గ్గ‌ర త‌న దూకుడును ఏమాత్రం త‌గ్గ‌డం లేదు. ద‌ర్శ‌కుడు నాగ్ అశ్విన్ తెర‌కెక్కించిన ఈ మైథాలజీ సైఫై సినిమాకు ప్రేక్ష‌కులు బ్ర‌హ్మ‌ర‌థం ప‌డుతూనే ఉన్నారు. ఈ సినిమా రిలీజ్ అయ్యి నాలుగు వారాలు పూర్త‌యినా దీని క్రేజ్ మాత్రం త‌గ్గ‌డం లేదు.

ఇక బాక్సాఫీస్ ద‌గ్గ‌ర ‘కల్కి 2898 AD’ వ‌సూళ్ల ప‌ర్వం కొన‌సాగుతూనే ఉంది. ఇప్ప‌టికే ఈ సినిమా రూ.1000 కోట్ల మైల్ స్టోన్ మార్క్ ను క్రాస్ చేసి ప‌లు కొత్త రికార్డుల‌ను త‌న ఖాతాలో వేసుకుంది. 5వ వారంలోకి అడుగుపెడుతున్న క‌ల్కి ఇప్పుడు ఏకంగా రూ.1100 కోట్ల మార్క్ ను కూడా ట‌చ్ చేసింది.

ఈ సంద‌ర్భంగా చిత్ర యూనిట్ తాజా క‌లెక్ష‌న్స్ కు సంబంధించి ఓ స‌రికొత్త పోస్టర్ ను రిలీజ్ చేశారు. ఈ ఎపిక్ బ్లాక్ బ‌స్ట‌ర్ చిత్రానికి రిపీటెడ్ ఆడియెన్స్ వ‌స్తుండ‌టంతో ఈ మూవీ వ‌సూళ్లు మ‌రింత‌గా పెరిగే అవ‌కాశం ఉంది. అమితాబ్ బ‌చ్చ‌న్, క‌మ‌ల్ హాసన్, దీపిక ప‌దుకొనె, దిశా ప‌టాని త‌దిత‌రులు ఇత‌ర ముఖ్య పాత్ర‌ల్లో న‌టించిన ఈ సినిమాకు సంతోష్ నారాయణ‌న్ సంగీతం అందించారు. వైజ‌యంతి మూవీస్ బ్యాన‌ర్ పై సి.అశ్వినీద‌త్ ఈ చిత్రాన్ని భారీ బ‌డ్జెట్ తో ప్రొడ్యూస్ చేశారు.