పాన్ ఇండియా స్టార్ ప్రభాస్ నటించిన ‘కల్కి 2898 AD’ బాక్సాఫీస్ దగ్గర ఎలాంటి సెన్సేషన్ క్రియేట్ చేసిందో మనం చూశాం. దర్శకుడు నాగ్ అశ్విన్ డైరెక్ట్ చేసిన ఈ సై ఫై మూవీ కళ్లుచెదిరే వసూళ్లను రాబట్టి కొత్త రికార్డులను క్రియేట్ చేసింది. ఇక ఈ సినిమా ఓటీటీ స్ట్రీమింగ్‌కు సిద్ధమయ్యింది.

ఆగస్టు 22న ‘కల్కి 2898 AD’ అమెజాన్ ప్రైమ్‌లో స్ట్రీమింగ్ కానున్నట్లు మేకర్స్ వెల్లడించారు. అయితే, అమెజాన్ ప్రైమ్‌లో కల్కి 2898 AD తెలుగు, తమిళ, కన్నడ, మళయాల భాషల్లో స్ట్రీమింగ్ అవనుంది. దీంతో హిందీ ఆడియన్స్ ఈ సినిమాను ఎందులో చూడాలా అనే డైలమాలో ఉన్నారు. కాగా, మరో ఓటీటీ ప్లాట్‌ఫామ్ నెట్‌ఫ్లిక్స్‌లో ‘కల్కి 2898 AD’ హిందీ భాషలో స్ట్రీమింగ్ కానుంది.

దీంతో పాన్ ఇండియా ఆడియన్స్ కల్కి చిత్రాన్ని ఆగస్టు 22న 5 భాషల్లో ఓటీటీల్లో వీక్షించేందుకు సిద్ధమవుతున్నారు. ఇక ‘కల్కి 2898 AD’ మూవీలో ప్రభాస్‌తో పాటు అమితాబ్ బచ్చన్, కమల్ హాసన్, దీపిక పదుకొనె, దిశా పటాని తదితరులు ముఖ్య పాత్రల్లో నటించారు.