సెన్సేషనల్ “కల్కి”.. నార్త్ అమెరికాలో వసూళ్ల విధ్వంసం

పాన్ ఇండియా స్టార్ ప్రభాస్ హీరోగా నటించిన లేటెస్ట్ అవైటెడ్ సెన్సేషనల్ చిత్రం “కల్కి 2898 ఎడి” కోసం అందరికీ తెలిసిందే. మరి ఈ చిత్రం రిలీజ్ కి మరికొన్ని గంటలు సమయం మాత్రమే మిగిలి ఉండగా ఈ భారీ సినిమా ఇప్పుడు వరకు ఒక ఊహించని బుకింగ్స్ ని అయితే నమోదు చేస్తుండడం విశేషం.

ముఖ్యంగా ఓవర్సీస్ మార్కెట్ లో కల్కి వసూళ్ల విధ్వంసం సృష్టిస్తుంది. యూఎస్ నార్త్ అమెరికా రీజన్ లో అయితే కల్కి కేవలం ప్రీ సేల్స్ లోనే ఏకంగా 4 మిలియన్ డాలర్స్ మార్కుని దాటే దిశగా దూసుకెళ్తుంది. మొత్తం నార్త్ అమెరికా ప్రాంతంలో ఈ సినిమాకి ఒక లక్ష 46 వేలకి పైగా టికెట్స్ అమ్ముడుపోగా ఒక్క వీటితోనే ఏకంగా 3.8 మిలియన్ డాలర్స్ గ్రాస్ ఈ చిత్రానికి నమోదు అయ్యిందట.

ఇందులో ఒక్క సినీ మార్క్ నుంచే ప్రీమియర్ ప్రీ సేల్స్ లో కల్కి ఏకంగా 1.3 మిలియన్ డాలర్స్ ని రాబట్టింది. దీనితో ఇది భారీ ఆల్ టైం రికార్డు కాగా అసలు కల్కి పై ఉన్న హైప్ ఏ రేంజ్ లో ఉందో దీని బట్టి మనం అర్ధం చేసుకోవచ్చు. ఇక ఈ భారీ చిత్రంలో కమల్ హాసన్, అమితాబ్ బచ్చన్, దీపికా పడుకోణ్ అలాగే దిశా పటాని తదితరులు నటించారు. అలాగే సంతోష్ నారాయణన్ సంగీతం అందించగా వైజయంతి మూవీస్ వారు నిర్మాణం వహించారు.