రెబల్ స్టార్ ప్రభాస్ హీరోగా, టాలెంటెడ్ డైరెక్టర్ నాగ్ అశ్విన్ దర్శకత్వంలో తెరకెక్కిన మైథాలజీ సైన్స్ ఫిక్షన్ మూవీ కల్కి2898ఎడి. ఈ చిత్రం జూన్ 27 వ తేదీన వరల్డ్ వైడ్ గా థియేటర్లలో రిలీజ్ అయ్యి ప్రేక్షకులను, అభిమానులని విశేషంగా ఆకట్టుకుంటుంది. ఈ చిత్రం బాక్సాఫీస్ వద్ద భారీ వసూళ్లతో దూసుకు పోతుంది. ఇప్పటికే ఈ చిత్రం వెయ్యి కోట్ల రూపాయల క్లబ్ లో చేరింది. హిందీ వెర్షన్ కూడా ఈ చిత్రం సెన్సేషన్ రెస్పాన్స్ తో దూసుకు పోతుంది.
ఈ చిత్రం గురువారం రోజున 2.25 కోట్ల రూపాయల వసూళ్లను రాబట్టడం జరిగింది. దీంతో ఇప్పటి వరకూ 267.65 కోట్ల రూపాయల వసూళ్లను రాబట్టింది. బాక్సాఫీస్ వద్ద ఈ చిత్రం స్ట్రాంగ్ హోల్డ్ తో దూసుకు పోతుంది. దీపికా పదుకునే, దిశా పటాని, కమల్ హాసన్, అమితాబ్ బచ్చన్, బ్రహ్మానందం, రాజేంద్ర ప్రసాద్, శోభన, మాళవిక నాయర్, విజయ్ దేవరకొండ, దుల్కర్ సల్మాన్ తదితరులు కీలక పాత్రల్లో నటించిన ఈ చిత్రానికి సంతోష్ నారాయణన్ సంగీతం అందించారు.