రెబల్ స్టార్ ప్రభాస్ ప్రధాన పాత్రలో, టాలెంటెడ్ డైరెక్టర్ నాగ్ అశ్విన్ దర్శకత్వంలో తెరకెక్కిన మైథాలజీ సైన్స్ ఫిక్షన్ మూవీ కల్కి. ధియేటర్లలో వరల్డ్ వైడ్ గా రిలీజైన ఈ చిత్రం ప్రేక్షకులను, అభిమానులని బాగా అలరిస్తోంది. సినిమా బాక్సాఫీస్ వద్ద భారీ వసూళ్లతో దూసుకు పోతుంది. ఈ చిత్రం తాజాగా 1000 కోట్ల రూపాయల క్లబ్ లో చేరింది. బాహుబలి 2 తర్వాత ప్రభాస్ మరో వెయ్యి కోట్ల రూపాయల క్లబ్ లో చేరడం విశేషం. అంతేకాక ఇండియాలోనే రెండు సార్లు వెయ్యి కోట్ల రూపాయల వసూళ్లు రాబట్టిన ఏకైక హీరో ప్రభాస్.
ఈ ఎపిక్ బ్లాక్ బస్టర్ మూవీ లో దీపికా పదుకునే, దిశా పటాని, స్టార్ కమల్ హాసన్, అమితాబ్ బచ్చన్, బ్రహ్మానందం, రాజేంద్ర ప్రసాద్, శోభన, మాళవిక నాయర్, విజయ్ దేవరకొండ, దుల్కర్ సల్మాన్, అన్నా బెన్ తదితరులు కీలక పాత్రల్లో నటించారు. సంతోష్ నారాయణన్ సంగీతం అందించిన ఈ చిత్రం మరింత వసూళ్లను రాబట్టే అవకాశాలు కనిపిస్తున్నాయి.
