పాన్ ఇండియా స్టార్ హీరో ప్రభాస్ ప్రధాన పాత్రలో, డైరెక్టర్ నాగ్ అశ్విన్ దర్శకత్వంలో తెరకెక్కిన మైథాలజీ సైన్స్ ఫిక్షన్ మూవీ కల్కి2898AD. ఈ చిత్రం నేడు వరల్డ్ వైడ్ గా థియేటర్ల లోకి వచ్చింది. తొలి షో నుండే పాజిటివ్ టాక్ రావడంతో ప్రేక్షకులు, అభిమానులు థియేటర్ల వద్దకి భారీగా వస్తున్నారు. ఈ చిత్రం నార్త్ అమెరికా లో ఆల్ టైమ్ రికార్డు ను క్రియేట్ చేయడం జరిగింది. ఇప్పటి వరకు ప్రీమియర్ షోలు మరియు డే1 కలిపి 4.5 మిలియన్ డాలర్లకు పైగా వసూళ్లు రాబట్టింది. ఇదే విషయాన్ని డిస్ట్రిబ్యూటర్స్ వెల్లడించడం జరిగింది.
ఈ వసూళ్లు ఇంకా పెరిగే అవకాశం ఉంది. దీపికా పదుకునే, కమల్ హాసన్, అమితాబ్ బచ్చన్, బ్రహ్మానందం, రాజేంద్ర ప్రసాద్, శోభన, మాళవిక నాయర్, విజయ్ దేవరకొండ, దుల్కర్ సల్మాన్ తదితరులు కీలక పాత్రల్లో నటించిన ఈ చిత్రాన్ని వైజయంతి మూవీస్ బ్యానర్ పై భారీ బడ్జెట్ తో నిర్మించడం జరిగింది. సంతోష్ నారాయణన్ ఈ చిత్రానికి సంగీతం అందించారు.