రెబల్ స్టార్ ప్రభాస్ హీరోగా, టాలెంటెడ్ డైరెక్టర్ నాగ్ అశ్విన్ దర్శకత్వంలో తెరకెక్కిన మైథాలజీ సైన్స్ ఫిక్షన్ మూవీ కల్కి2898AD నిన్న వరల్డ్ వైడ్ గా థియేటర్ల లో రిలీజ్ అయ్యింది. ఈ చిత్రంకు తొలి షో నుండి పాజిటివ్ టాక్ రావడంతో ప్రేక్షకులు థియేటర్ల వద్దకి భారీగా వస్తున్నారు. బాక్సాఫీస్ వద్ద ఈ చిత్రం మొదటి రోజు వరల్డ్ వైడ్ గా 191.5 కోట్ల రూపాయల వసూళ్లను రాబట్టడం జరిగింది. అయితే నార్త్ అమెరికా లో మాత్రం ఈ చిత్రం ఆల్ టైమ్ రికార్డు ను క్రియేట్ చేయడం జరిగింది.
ఈ చిత్రం ప్రీమియర్ షో మరియు డే వన్ లతో కలిపి 5.56 మిలియన్ డాలర్ల వసూళ్లకి పైగా రాబట్టడం జరిగింది. ఇది సెన్సేషన్ రెస్పాన్స్ అని చెప్పాలి. ప్రభాస్ నటించిన ఈ చిత్రం ఇక టాప్ పొజిషన్ లోకి చేరుకుంది. బాలీవుడ్ స్టార్ హీరోయిన్ దీపికా పదుకునే, దిశా పటాని, యూనివర్సల్ స్టార్ హీరో కమల్ హాసన్, బాలీవుడ్ మెగాస్టార్ అమితాబ్ బచ్చన్, బ్రహ్మానందం, రాజేంద్ర ప్రసాద్, శోభన, మాళవిక నాయర్, విజయ్ దేవరకొండ, దుల్కర్ సల్మాన్, అన్నా బెన్ తదితరులు కీలక పాత్రల్లో నటించిన ఈ చిత్రానికి సంతోష్ నారాయణన్ సంగీతం అందించారు. లాంగ్ రన్ లో ఈ చిత్రం భారీ వసూళ్లను రాబట్టే అవకాశాలు కనిపిస్తున్నాయి.