“కల్కి” టీమ్ ఇంట్రెస్టింగ్ పోస్ట్…స్టార్ట్ అయ్యింది ఈరోజే!

రెబల్ స్టార్ ప్రభాస్ ప్రధాన పాత్రలో, టాలెంటెడ్ డైరెక్టర్ నాగ్ అశ్విన్ దర్శకత్వంలో తెరకెక్కిన కల్కి 2898ఎడి చిత్రం జూన్ 27 వ తేదీన వరల్డ్ వైడ్ గా థియేటర్లలో రిలీజ్ అయ్యి ప్రేక్షకులను, అభిమానులని విశేషంగా ఆకట్టుకుంటుంది. ఈ చిత్రం బాక్సాఫీస్ వద్ద భారీ బ్లాక్ బస్టర్ గా నిలిచింది. అయితే ఈ చిత్రం సరిగ్గా మూడేళ్ల క్రితం జూలై 24, 2021 వ తేదీన ప్రారంభం అయ్యింది. ప్రాజెక్ట్ కే అంటూ మేకర్స్ చిత్రాన్ని స్టార్ట్ చేయగా, రెబల్ స్టార్ ప్రభాస్ క్లాప్ ఇచ్చారు. ఇదే పోస్ట్ ను టీమ్ కల్కి సోషల్ మీడియాలో మరోసారి షేర్ చేయడం జరిగింది.

మేకర్స్ పోస్ట్ ను షేర్ చేసిన కొద్ది సేపటికే సోషల్ మీడియాలో వైరల్ గా మారుతోంది. బాలీవుడ్ స్టార్ హీరోయిన్ దీపికా పదుకునే, దిశా పటాని, కమల్ హాసన్, అమితాబ్ బచ్చన్, బ్రహ్మానందం, రాజేంద్ర ప్రసాద్, శోభన, మాళవిక నాయర్, విజయ్ దేవరకొండ, దుల్కర్ సల్మాన్ తదితరులు కీలక పాత్రల్లో నటించిన ఈ భారీ బడ్జెట్ చిత్రాన్ని ప్రతిష్టాత్మక బ్యానర్ అయిన వైజయంతి మూవీస్ వారు నిర్మించడం జరిగింది. సంతోష్ నారాయణన్ ఈ చిత్రానికి అధ్బుతమైన సంగీతం అందించారు.