పాన్ ఇండియా స్టార్ ప్రభాస్ హీరోగా నాగ్ అశ్విన్ డైరెక్షన్‌ లో రాబోతున్న ‘కల్కి 2898 AD’ సినిమా పైనే ప్రస్తుతం అందరి చూపు ఉంది. మరోవైపు కల్కి సినిమా టికెట్లు కోసం ప్రేక్షకులు ఎగబడుతున్నారు. మొత్తానికి ఈ వారంతో పాటు రానున్న వారమంతా కల్కి.. కల్కి.. కల్కి అని నామ జపం చేయబోతున్నారు ప్రేక్షకులు. ఇటు చిత్రబృందం కూడా సినిమా ప్రమోషన్స్ లో ఫుల్ బిజీగా ఉంది. తాజాగా ఓ ప్రత్యేక ఇంటర్వ్యూలో పాల్గొన్న కల్కి టీమ్‌ పలు ఆసక్తికర విషయాలను వెల్లడించింది.
ముఖ్యంగా కమల్ హాసన్, ప్రభాస్ ‘కల్కి’ చితంలో తాను భాగం కావడం పై ఇంట్రెస్టింగ్ కామెంట్స్ చేశారు. కమల్ హాసన్ మాట్లాడుతూ.. ‘కల్కి సెట్‌లోని నిశ్శబ్దాన్ని నేను ఎక్కువగా ఆస్వాదించాను. ఎంజాయ్ చేశాను. ఎందుకంటే ఇది చాలా సెట్స్ లా లేదు. సెట్ లో అందరూ క్రమశిక్షణతో ఉండేవారు. మిస్టర్ నాగి (నాగ్ అశ్విన్) చాలా కూల్ పర్సన్. కానీ పని విషయంలో సమర్ధత కలిగిన వ్యక్తి’ అంటూ కమల్ హాసన్ చెప్పుకొచ్చాడు. మొత్తానికి కమల్ మాటల ప్రకారం, ఈ పౌరాణిక సైన్స్ ఫిక్షన్ ఎంటర్‌టైనర్‌లో నటించడం పై కమల్ ఫుల్ హ్యాపీగా ఉన్నాడు. ఈ చిత్రంలో అమితాబ్ బచ్చన్, దీపికా పదుకొణె కూడా కీలక పాత్రలు పోషించారు.
