ఉలగనాయగన్ కమల్ హాసన్ ఇటీవల లోకేష్ కనకరాజ్ దర్శకత్వంలో తెరకెక్కిన విక్రమ్ ది హిట్ లిస్ట్ మూవీ ద్వారా ఆడియన్స్ ముందుకి వచ్చిన విషయం తెలిసిందే. సూర్య ఒక ప్రత్యేక పాత్ర చేసిన ఈ సినిమాలో విజయ్ సేతుపతి, ఫహాద్ ఫాసిల్ కీలక పాత్రలు చేసారు. ఇక రిలీజ్ అనంతరం బాక్సాఫీస్ దగ్గర కాసులు కురిపించింది ఈ మూవీ. ప్రస్తుతం దిగ్గజ దర్శకుడు శంకర్ తో ఇండియన్ 2 మూవీ చేస్తోన్న కమల్, దీని అనంతరం మణిరత్నం తో ఒక భారీ మూవీ చేయనున్నారు.
అయితే విషయం ఏమిటంటే, తరచు తన బాడీ, లుక్స్, కాస్ట్యూమ్స్, విషయంలో శ్రద్ధ తీసుకుని ఫ్యాన్స్ ని ఆడియన్స్ ని ఎప్పటికప్పుడు ఆకట్టుకునే కమల్ హాసన్ నేడు ప్రముఖ సంస్థ కెహెచ్ హౌస్ ఆఫ్ ఖద్దర్ వారి ప్రమోషన్స్ లో భాగంగా లేటెస్ట్ ట్రెండీ స్టైల్ కాస్ట్యూమ్స్ తో పలువురు మోడల్స్ తో కలిసి దిగిన పిక్స్ తో మరొక్కసారి అదరగొట్టారు. కాగా ఈ పిక్స్ చూసిన పలువురు కమల్ మరింతగా అదిరిపోయారని సోషల్ మీడియా మాధ్యమాల్లో కామెంట్స్ చేస్తున్నారు. అలానే ఈ పిక్స్ మీడియా మాధ్యమాల్లో వైరల్ అవుతున్నాయి.
