బాలీవుడ్ ఫైర్ బ్రాండ్ ‘కంగనా రనౌత్’ వివాదాస్పద విషయాలతో ఘాటైన వ్యాఖ్యలతో ఎప్పుడూ వార్తల్లో నిలుస్తూ ఉంటుంది. ఐతే, బీజీపీ పార్టీ నుంచి కంగనా భాజపా ఎంపీగా గెలిచింది. దీంతో తన ఇంటిని అమ్మేసి, కొత్త ఇల్లు కొనాలని కంగనా ప్లాన్ చేసింది. ఈ క్రమంలోనే ముంబైలోని బాంద్రాలో ఉన్న తన ఇంటిని 40 కోట్ల రూపాయలకు అమ్మకానికి పెట్టిందని టాక్.
ప్రస్తుతం కంగనా రాజకీయాలతో బిజీగా ఉంది. రాజకీయ కార్యక్రమాలు కారణంగా ఢిల్లీ, హిమాచల్ ప్రదేశ్ లోనే ఆమె ఎక్కువగా ఉండాల్సి వస్తోంది. అందుకే, ముంబైలోని తన నివాసాన్ని వదులుకోవాలని కంగనా భావిస్తోందట. అన్నట్టు ఈ ఇల్లు అమ్మేశాక, మళ్లీ ముంబైలోనే ఓ పెద్ద ఇంటిని కొనుగోలు చేయాలని కంగనా ఆశ పడుతుందట. మొత్తానికి కంగనా రనౌత్ రాజకీయాల్లో కూడా తనదైన ముద్ర వేస్తూ ముందుకు వెళ్తుంది.