కోలీవుడ్ స్టార్ హీరో సూర్య ప్రధాన పాత్రలో, డైరెక్టర్ శివ దర్శకత్వంలో తెరకెక్కుతున్న చిత్రం కంగువ. స్టూడియో గ్రీన్, యూవీ క్రియేషన్స్, KVN ప్రొడక్షన్స్, పెన్ స్టూడియోస్ బ్యానర్ల పై భారీ బడ్జెట్ తో నిర్మిస్తున్న ఈ చిత్రంలో బాలీవుడ్ నటుడు బాబీ డియోల్, స్టార్ హీరోయిన్ దిశా పటాని లు కీలక పాత్రల్లో కనిపించనున్నారు. మేకర్స్ నేడు బిగ్ అప్డేట్ ను ప్రేక్షకులకు అందించారు.
ఈ చిత్రంను అక్టోబర్ 10, 2024 న వరల్డ్ వైడ్ గా థియేటర్ల లో రిలీజ్ చేస్తున్నట్లు ప్రకటించారు. ఇదే విషయాన్ని వెల్లడించడానికి సరికొత్త పోస్టర్ ను విడుదల చేయడం జరిగింది. హీరో సూర్య ఈ పోస్టర్ లో చాలా పవర్ ఫుల్ గా కనిపిస్తున్నారు. ఈ పోస్టర్ భారీ యాక్షన్ ఎపిసోడ్ కి సంబందించిన దానిలా ఉంది. ఈ పవర్ ఫుల్ పోస్టర్ ఆడియెన్స్ ను విశేషంగా ఆకట్టుకుంటుంది. దేవిశ్రీ ప్రసాద్ సంగీతం అందిస్తున్న ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి.
