హీరో సూర్య హీరోగా రాబోతున్న చిత్రం ‘కంగువా’. శివ దర్శకత్వంలో రూపొందుతున్న ఈ సినిమా పై భారీ అంచనాలు ఉన్నాయి. కాగా ఈ సినిమా నుంచి నిన్న ‘రిలీజ్ ట్రైలర్’ విడుదల అయ్యి, చాలా బాగా ఆకట్టుకుంటున్న సంగతి తెలిసిందే. ఐతే, దుబాయ్‌ లోని వోక్స్ సినిమాస్ లో కంగువా రిలీజ్ ట్రైలర్ వేడుక ఘనంగా జరిగింది. ఈ సందర్భంగా సూర్య ఫ్యాన్స్ తో కలిసి సెల్ఫీ తీసుకున్నారు. ప్రస్తుతం ఈ సెల్ఫీ వైరల్ గా మారింది. ఇక ప్రపంచ వ్యాప్తంగా భారీ స్థాయిలో విడుదల కానున్న ఈ ఎపిక్ యాక్షన్ డ్రామా కోసం ఫ్యాన్స్ ఎంతో ఆసక్తిగా ఎదురుచూస్తున్నారు.
అందుకు తగ్గట్టుగానే మేకర్స్ తమ ప్రచారాన్ని ముమ్మరం చేశారు. మొత్తానికి కంగువా పై అంచనాలు తారాస్థాయిలో ఉన్నాయి. ఐతే, నవంబర్ 14, 2024న పాన్ ఇండియా రేంజ్ లో గ్రాండ్ గా రిలీజ్‌కు సిద్ధంగా ఉంది ఈ సినిమా. ఈ చిత్రంలో దిశా పటాని కథానాయికగా నటిస్తుండగా, బాబీ డియోల్ విలన్‌గా నటించారు. స్టూడియో గ్రీన్ మరియు యువి క్రియేషన్స్ నిర్మించిన కంగువా చిత్రానికి దేవి శ్రీ ప్రసాద్ సంగీతాన్ని అందించారు. ఇప్పటికే, పార్ట్ 2, పార్ట్ 3 కథలు సిద్ధంగా ఉన్నాయని, కంగువా పార్ట్ 1 విజయం ఆధారంగా వాటిని తెరకెక్కించేలా ప్లాన్ చేస్తున్నామని నిర్మాత కేఈ జ్ఞానవేల్‌ చెప్పుకొచ్చారు.