తమిళ స్టార్ హీరో సూర్య నటిస్తున్న మోస్ట్ అవైటెడ్ మూవీ ‘కంగువా’ ప్రేక్షకుల్లో ఎలాంటి హైప్ క్రియేట్ చేసిందో అందరికీ తెలిసిందే. ఈ సినిమాను దర్శకుడు శివ తెరకెక్కిస్తుండటంతో అంచనాలు రెట్టింపు అయ్యాయి. ఇక ఈ మూవీ పోస్టర్స్, టీజర్‌లకు సాలిడ్ రెస్పాన్స్ రావడంతో ఈ సినిమా బాక్సాఫీస్ దగ్గర ఎలాంటి సెన్సేషన్ క్రియేట్ చేస్తుందా అని అందరూ ఆసక్తిగా చూస్తున్నారు. కాగా, కంగువా ట్రైలర్‌ను మేకర్స్ నిన్న రిలీజ్ చేశారు.
ఈ ట్రైలర్ సరికొత్తగా ఉండటంతో అభిమానులు కంగువా నామజపం చేస్తున్నారు. సూర్య టెర్రిఫిక్ లుక్ అండ్ పర్ఫార్మెన్స్‌తో ఈ ట్రైలర్ సాలిడ్ ఇంపాక్ట్ క్రియేట్ చేసింది. ఇక ఈ ట్రైలర్ రిలీజ్ అయిన కొద్ది గంటల్లోనే యూట్యూబ్‌ను షేక్ చేస్తోంది. ఏకంగా 10 మిలియన్ వ్యూస్ మార్క్‌ను టచ్ చేసి కంగువా ట్రైలర్ అదరగొట్టింది. ఈ ట్రైలర్ యూట్యూబ్‌లో ట్రెండ్ అవుతూ అభిమానులను ఆకట్టుకుంటోంది.
ట్రైబల్ అడ్వెంచర్ అండ్ యాక్షన్ అనే కాన్సెప్ట్‌లతో ఈ సినిమా రానుండటంతో కంగువా కోసం అభిమానులు ఎంతో ఆసక్తిగా ఎదురుచూస్తున్నారు. ఈ సినిమాలో సర్‌ప్రైజింగ్ అంశాలు, వావ్ ఎలిమెంట్స్ బోలెడన్ని ఉండబోతున్నాయని మేకర్స్ చెబుతున్నారు. ఇక ఈ సినిమాలో బాలీవుడ్ నటుడు బాబీ డియోల్ విలన్ పాత్రలో విజృంభించనున్నాడు. అందాల భామ దిశా పటాని ఈ సినిమాలో హీరోయిన్‌గా నటిస్తోంది. దేవిశ్రీ ప్రసాద్ మ్యూజిక్ అదనపు బలంగా ఈ చిత్రాన్ని స్టూడియో గ్రీన్, యూవీ క్రియేషన్స్ బ్యానర్లు ప్రొడ్యూస్ చేస్తున్నాయి. దసరా కానుకగా కంగువా చిత్రాన్ని అక్టోబర్ 10న వరల్డ్‌వైడ్‌గా రిలీజ్ చేసేందుకు మేకర్స్ సిద్ధమయ్యారు.
