ప్రపంచాన్ని పట్టిపీడిస్తున్న కరోనాకి ముగింపు ఎప్పుడనేది ఇప్పట్లో చెప్పలేని పరిస్థితి. ఇలాంటి పరిస్తుతుల్లో రోజురోజుకూ కరోనా పాజిటివ్ కేసులు పెరుగుతుండగా, మరోపక్క కరోనాతో పోరాడలేక ప్రాణాలు కోల్పోతున్నారు కొంతమంది. తాజాగా కరోనాతో క‌న్న‌డ సీనియర్ నటుడు హ‌ల్వానా గంగాధ‌ర‌య్య క‌న్నుమూశారు. అయన వయసు 70 సంవత్సరాలు కావడంతో కరోనా నుండి ఆయన బయటపడలేకపోయారు.
నటుడు హ‌ల్వానా గంగాధ‌ర‌య్యకు కరోనా కారణంగా శ్వాస తీసుకోవ‌డం బాగా ఇబ్బంది అయింది. బెంగ‌ళూరులోని బీజీఎస్‌ ప్రైవేటు ఆసుప‌త్రిలో ఆయన చికిత్స పొందుతూ ప్రాణాలు విడిచారు. ఆయ‌న‌కు ఒక కొడుకు, ముగ్గురు కూతుళ్లు ఉన్నారు. ఆయన దాదాపు 120 సినిమాలకు పైగా నటించారు. అలాగే అనేక షోల్లో కూడా క‌నిపించారు. 123తెలుగు.కామ్ తరఫున హ‌ల్వానా గంగాధ‌ర‌య్య మృతి పట్ల తీవ్ర సంతాపాన్ని వ్యక్తం చేస్తూ, శోహార్తులైన వారి కుటుంబ సభ్యులకు ప్రగాఢ సానుభూతిని తెలియజేస్తున్నాము.