టాలీవుడ్ డైనమిక్ స్టార్ మంచు విష్ణు హీరోగా పాన్ ఇండియా లెవెల్లో అనేకమంది దిగ్గజ తారల కలయికలో చేస్తున్న అవైటెడ్ సినిమానే “కన్నప్ప”. తన కెరీర్ డ్రీం ప్రాజెక్ట్ గా చేస్తున్న ఈ సినిమా ఈ ఏప్రిల్ లోనే రిలీజ్ కావాల్సి ఉంది కానీ మేకర్స్ దీనిని వాయిదా వేస్తున్నట్టుగా కన్ఫర్మ్ చేశారు.
అయితే కొత్త డేట్ ఏంటి అనేది రివీల్ చేయలేదు కానీ ఫైనల్ గా ఇపుడు దీనిపై క్లారిటీ వచ్చేసింది. ఈ భారీ చిత్రాన్ని ఈ జూన్ 27న ప్రపంచ వ్యాప్తంగా రిలీజ్ చేస్తున్నట్టుగా ఇపుడు మేకర్స్ కన్ఫర్మ్ చేశారు. లేటెస్ట్ గా యూపీ సీఎం యోగి ఆదిత్యనాథ్ ని మోహన్ బాబు సహా కన్నప్ప హీరో మంచు విష్ణు ఇతర ప్రముఖులు కలవగా ఇక్కడ నుంచి కొత్త డేట్ బయటకి వచ్చింది.
దీంతో కన్నప్ప జూన్ 27 నుంచి థియేటర్స్ లో సందడి చేయనున్నాడని చెప్పవచ్చు. ఇక ఈ చిత్రానికి దర్శకుడు ముకేశ్ కుమార్ సింగ్ దర్శకత్వం వహిస్తుండగా మోహన్ బాబు నిర్మాణం వహిస్తున్నారు. అలాగే ప్రభాస్, అక్షయ్ కుమార్, మోహన్ లాల్ సహా కాజల్ తదితర భారీ తారాగణం ఈ సినిమాలో నటిస్తున్నారు.