కోలీవుడ్ స్టార్ యాక్టర్ కార్తీ చివరిసారిగా జపాన్ చిత్రంలో కనిపించారు. ఈ చిత్రం బాక్సాఫీస్ వద్ద ఆశించిన ఫలితాన్ని అందుకోలేదు. తదుపరి సి. ప్రేమ్ కుమార్ దర్శకత్వంలో తెరకెక్కుతున్న యాక్షన్ డ్రామా మెయియాజగన్ చిత్రంలో కనిపించనున్నారు. మేకర్స్ తాజాగా ఈ చిత్రంకి సంబందించిన రిలీజ్ డేట్ ను సరికొత్త పోస్టర్ ద్వారా వెల్లడించారు. సెప్టెంబర్ 27 వ తేదీన ధియేటర్లలోకి రానున్నట్లు మేకర్స్ వెల్లడించారు.
అయితే రిలీజ్ చేసిన పోస్టర్ లో కార్తీ లుక్ ఆకట్టుకుంటుంది. ఈ లుక్ ను చూస్తుంటే, సినిమా పూర్తి స్థాయి యాక్షన్ ఎంటర్టైనర్ గా ఉండే అవకాశం ఉంది. అయితే దేవర కూడా సెప్టెంబర్ 27 వ తేదీన పాన్ ఇండియా మూవీగా భారతీయ ప్రధాన భాషల్లో రిలీజ్ కానుంది. కార్తీ చిత్రం తెలుగులో రిలీజ్ ఉందా లేదా అనే దానిపై త్వరలో క్లారిటీ రానుంది. 2డి ఎంటర్టైన్మెంట్ బ్యానర్ పై సూర్య మరియు జ్యోతిక లు సంయుక్తంగా నిర్మిస్తున్న ఈ చిత్రంలో అరవింద్ స్వామి మరొక ముఖ్య పాత్రలో కనిపించనున్నారు. గోవింద్ వసంత సంగీతం అందిస్తున్న ఈ చిత్రం పై ప్రేక్షకుల్లో ఆసక్తి నెలకొంది.
