‘గజినీ’, ‘సెవెంత్ సెన్స్’, ‘తుపాకి’ లాంటి సినిమాలను అందించిన ఎఆర్ మురుగదాస్ దర్శకత్వంలో తమిళ స్టార్ హీరో ఇలయదలపతి విజయ్ హీరోగా నటించిన సినిమా ‘కత్తి’. అక్టోబర్ 22న తమిళంలో రిలీజ్ కానున్న ఈ సినిమా అక్టోబర్ 31న తెలుగులో రిలీజ్ కానుంది. నిన్ననే ఈ సినిమా ట్రైలర్ ని రిలీజ్ చేసారు. ఈ ట్రైలర్ కి సూపర్బ్ రెస్పాన్స్ వచ్చింది.
ఎఆర్ మురుగదాస్ కత్తి గురించి మాట్లాడుతూ ‘కత్తి సినిమా తుపాకి స్టైల్లో ఉండదు కానీ ఇందులో కూడా ఓ స్ట్రాంగ్ సోషల్ మెసేజ్ ఉంటుంది. ఇందులో విజయ్ చాలా కామన్ మాన్ పాత్ర చేసాడు, కానీ ఎంతో కాన్ఫిడెంట్ గా ముందుకు దూసుకుపోయే స్ట్రాంగ్ మాన్. ఈ సినిమా కూడా బ్లాక్ బస్టర్ అవుతుందని ఆశిస్తున్నాను. ఈ సినిమాతో కూడా ఓ కొత్త పాయింట్ చెబుతున్నాను, ఒక దశాబ్దం ఈ సినిమా గుర్తుండి పోతుందని అనుకుంటున్నానని’ అన్నాడు. విజయ్ సరసన సమంత హీరోయిన్ గా నటించిన ఈ సినిమాకి అనిరుధ్ మ్యూజిక్ అందించాడు.
