హీరో జగపతి బాబు, ప్రియమణి, శాం ప్రధాన తారాగణంగా వస్తోన్న ‘క్షేత్రం’ చిత్ర ఆడియో లాంచ్ అయింది. ఈ కార్యక్రమం హైదరాబాద్ లోని ఒక స్టార్ హోటల్ లో నిర్వహించారు. బెల్లంకొండ సురేష్, తారక రత్న ఈ వేడుక లో పాల్గొన్నారు. వేణుగోపాల్ ఈ చిత్రాన్ని డైరెక్ట్ చేస్తున్నారు. బాలాజీ మూవీస్ బ్యానర్ పై గోవిందరాజు ఈ చిత్రాన్ని నిర్మిస్తున్నారు. కోటి సంగీతం.
ఈ సందర్భంలో నటి ప్రియమణి మాట్లాడుతూ..”ఈ థ్రిల్లర్ చిత్రం నిజంగా నన్ను షాక్ కు గురిచేసింది. ఈ మూవీ స్క్రిప్ట్ వినంగానే నేను వెంటనే నటించేందుకు ఒప్పుకున్నాను. నేను జగపతి బాబు తో ఇప్పటివరకూ 4 చిత్రాల్లో నటించాను. ఆ అన్ని సినిమాల్లో కెల్లా ఇది మెరుగైన చిత్రమని నేను ధీమాగా చెబుతున్నా”.
ఈ మూవీ లో ప్రియమణి ద్విపాత్రాభినయం చేస్తుంది. ఈ సంవత్సరాంతానికి ఈ చిత్రం ప్రేక్షకుల ముందుకు రానుంది.