టాలీవుడ్ అగ్ర హీరో, కింగ్ నాగార్జున ప్రధాన పాత్రలో, ప్రముఖ నటుడు, కొరియోగ్రాఫర్ రాఘవ లారెన్స్ దర్శకత్వంలో తెరకెక్కిన యాక్షన్ ఎంటర్టైనర్ మాస్. 2004 లో థియేటర్లలో రిలీజ్ అయిన ఈ సినిమా ప్రేక్షకులను, అభిమానులని విశేషంగా ఆకట్టుకుంది. బాక్సాఫీస్ వద్ద మంచి వసూళ్లను రాబట్టింది. ఈ చిత్రం మరోసారి ప్రేక్షకులను అలరించడానికి రెడీ అయిపోయింది.
కింగ్ నాగార్జున పుట్టిన రోజు సందర్భంగా థియేటర్లలోకి మళ్ళీ రానుంది. ఆగస్టు 28 వ తేదీన రిలీజ్ కాబోతున్న ఈ చిత్రం కి సంబందించిన బుకింగ్స్ ఓపెన్ అయ్యాయి. జ్యోతిక, ఛార్మీ కౌర్ ఫీమేల్ లీడ్ రోల్స్ లో నటించగా, రఘువరన్, రాహుల్ దేవ్ లు కీలక పాత్రల్లో నటించారు. రాక్ స్టార్ దేవి శ్రీ ప్రసాద్ సంగీతం అందించిన ఈ చిత్రాన్ని అన్నపూర్ణ స్టూడియోస్ పతాకంపై నిర్మించారు. ఈ చిత్రం రీ-రిలీజ్ కి ఎలాంటి రెస్పాన్స్ వస్తుందో చూడాలి.