యంగ్ హీరో కిరణ్ అబ్బవరం నటించిన లేటెస్ట్ మూవీ ‘క’ దీపావళి కానుకగా రిలీజ్ అయ్యి బాక్సాఫీస్ దగ్గర పాజిటివ్ టాక్‌ను సొంతం చేసుకుంది. ఈ సినిమాను దర్శకద్వయం సుజిత్, సందీప్‌లు డైరెక్ట్ చేశారు. ఇక ఈ సినిమాలోని కంటెంట్ సరికొత్తగా ఉందని చిత్ర యూనిట్ ముందునుండీ ప్రచారం చేస్తూ వచ్చింది.
ఇక ఈ సినిమా సక్సెస్ మీట్‌ను మేకర్స్ తాజాగా నిర్వహించారు. ఈ సక్సెస్ మీట్‌లో కిరణ్ అబ్బవరం ఇంట్రెస్తింగ్ విషయాలను పంచుకున్నాడు. అయితే, కిరణ్ అబ్బవరం ‘క’ సినిమా సీక్వెల్‌పై కూడా క్లారిటీ ఇచ్చాడు. ఈ సీక్వెల్ చిత్రానికి సంబంధించిన అనౌన్స్‌మెంట్‌ను ఓ వారంలో అనౌన్స్ చేస్తామని ఆయన వెల్లడించారు.
దీంతో ‘క’ చిత్రానికి సంబంధించిన సీక్వెల్ మూవీ ఇంకా ఎలాంటి కంటెంట్‌తో వస్తుందా అని అందరూ ఆసక్తిగా చూస్తున్నారు. మరి కిరణ్ అబ్బవరం ‘క’ చిత్ర సీక్వెల్‌ను ఎప్పుడు అనౌన్స్ చేస్తాడా అనేది ప్రస్తుతం హాట్ టాపిక్‌గా మారింది.