టాలీవుడ్ యంగ్ హీరో ‘కిరణ్ అబ్బవరం’ లాస్ట్ మూవీ ‘క’ బాక్సాఫీస్ దగ్గర బ్లాక్‌బస్టర్ హిట్ అందుకుంది. ఇక ఆ సినిమా ఇచ్చిన బూస్ట్‌తో తన నెక్స్ట్ చిత్రాన్ని కూడా రెడీ చేస్తు్న్నాడు ఈ యంగ్ హీరో. ఈసారి పూర్తి రొమాంటిక్ యాక్షన్ ఎంటర్‌టైనర్ మూవీతో మనముందుకు వస్తున్నాడు. ‘దిల్‌రూబా’ అనే టైటిల్‌తో తెరకెక్కిన ఈ సినిమాను విశ్వ కరుణ్ డైరెక్ట్ చేస్తున్నాడు.
తాజాగా ఈ ‘దిల్‌రూబా’ చిత్ర టీజర్‌ను మేకర్స్ రిలీజ్ చేశారు. ఈ టీజర్ ఆద్యంతం యూత్‌ను ఆకట్టుకునే విధంగా కట్ చేశారు. హీరో జీవితంలో ప్రేమ, బాధ.. అనే కాన్సెప్ట్‌తో ఈ సినిమాను దర్శకుడు తెరకెక్కించాడు. యూత్‌ఫుల్ రొమాంటిక్ కథతో పాటు ప్రేక్షకులను ఆకట్టుకునే యాక్షన్, ఎమోషన్ ఇందులో పుష్కలంగా ఉండబోతుందని ఈ టీజర్ చూస్తే అర్థమవుతుంది. కిరణ్ అబ్బవరం మరోసారి సాలిడ్ పర్ఫార్మెన్స్‌తో ఆడియెన్స్‌ను ఇంప్రెస్ చేయబోతున్నాడు.
ఇక ఈ సినిమాలో అందాల భామ రుక్సర్ ఢిల్లోన్ హీరోయిన్‌గా నటిస్తోంది. కిరణ్-రుక్సర్‌ల మధ్య కెమిస్ట్రీ ప్రేక్షకులను ఆకట్టుకోవడం ఖాయమని మేకర్స్ ధీమా వ్యక్తం చేస్తున్నారు. ఈ సినిమాకు సామ్ సి.ఎస్ సంగీతం ప్రధాన ఆకర్షణగా నిలవనుంది. ఇక ఈ సినిమాను ప్రేమికుల రోజు కానుకగా ఫిబ్రవరి 14న గ్రాండ్ రిలీజ్ చేసేందుకు మేకర్స్ రెడీ అవుతున్నారు.
వీడియో కోసం ఇక్కడ క్లిక్ చేయండి