యంగ్ హీరో కిరణ్ అబ్బవరం నటించిన లేటెస్ట్ మూవీ ‘క’ బాక్సాఫీస్ దగ్గర మంచి విజయాన్ని అందుకుని బాక్సాఫీస్ వద్ద సందడి చేస్తోంది. సందీప్-సుజిత్ ద్వయం తెరకెక్కించిన ఈ థ్రిల్లర్ మూవీ మాస్ ఆడియెన్స్‌ను సైతం ఆకట్టుకోవడంతో ప్రేక్షకులు ఈ సినిమాకు కనెక్ట్ అవుతున్నారు. ఇక ఈ సినిమాపై భారీ నమ్మకాలు పెట్టుకున్న చిత్ర యూనిట్‌కు సక్సెస్ మంచి జోష్‌ని ఇచ్చింది.
అయితే, ‘క’ సినిమా సక్సెస్‌ను ఎంజాయ్ చేస్తున్న కిరణ్ అబ్బవరం తన అభిమానులకు మరో ట్రీట్ ఇచ్చేందుకు రెడీ అవుతున్నట్లు తెలుస్తోంది. తన నెక్స్ట్ మూవీగా ‘దిల్ రుబా’ అనే సినిమాను రిలీజ్‌కు రెడీ చేస్తున్నాడట. ఈ సినిమాలో రుక్సర్ ఢిల్లోన్ హీరోయిన్‌గా నటించింది. అయితే, ‘క’ కంటే ముందే ఈ సినిమా రిలీజ్ కావాల్సి ఉంది. కానీ, కొన్ని కారణాల వల్ల ఈ సినిమా రిలీజ్ వాయిదా పడింది.
దీంతో ఇప్పుడు ఈ సినిమాను రిలీజ్‌కు రెడీ చేస్తున్నారట మేకర్స్. ఈ చిత్రాన్ని విశ్వ కరుణ్ అనే కొత్త దర్శకుడు తెరకెక్కించాడని.. పూర్తి లవ్ స్టోరీ కథతో ఈ సినిమా యూత్‌ని ఆకట్టుకుంటుందని చిత్ర యూనిట్ భావిస్తోంది. మరి ఈ ‘దిల్ రుబా’ సినిమాను ఎప్పుడు రిలీజ్ చేస్తారనే విషయంపై అధికారిక ప్రకటన రావాల్సి ఉంది.