తెలుగు సినీ పరిశ్రమలో తనకంటూ ప్రత్యేక గుర్తింపు తెచ్చుకున్న యువ నటుడు కిరణ్ అబ్బవరం. రాజావారు రాణి గారు చిత్రంతో తెలుగు తెరకి పరిచయం అయ్యాడు. ఈ నటుడు తన జీవితంలో కొత్త ప్రయాణం ను ప్రారంభిస్తున్నాడు. కిరణ్ అబ్బవరం పెళ్ళి చేసుకోనున్నాడు అనే విషయం అందరికీ తెలిసిందే. తాజాగా పెళ్ళి కొడుకు గెటప్ లోకి మారిపోయిన అందమైన ఫోటో ఒకటి సోషల్ మీడియాలో కనిపించింది.
ఈ నటుడు తన ఛార్మింగ్ లుక్స్ తో ఆకట్టుకుంటున్నాడు. అభిమానులు, పలువురు సినీ పరిశ్రమకు చెందిన వారు బెస్ట్ విషెస్ తెలుపుతున్నారు. ఇక సినిమాల విషయానికి వస్తే, ఈ నటుడు తదుపరి “క” అనే పాన్ ఇండియా చిత్రంలో నటిస్తున్నాడు. ప్రస్తుతం చిత్రీకరణలో ఉన్న ఈ చిత్రానికి సంబంధించిన మరిన్ని వివరాలు త్వరలో వెల్లడి కానున్నాయి.