ఇటీవల విడుదలైన వినరో భాగ్యము విష్ణు కథ తెలుగు రాష్ట్రాలు మరియు ఓవర్సీస్ అంతటా డీసెంట్ ఓపెనింగ్స్ అందుకుంది. నూతన దర్శకుడు మురళీ కిషోర్ అబ్బురు దర్శకత్వం వహించిన ఈ చిత్రంలో కిరణ్ అబ్బవరం హీరోగా, కశ్మీరా పరదేశి హీరోయిన్ గా నటించింది. బాక్సాఫీస్ వద్ద 10 రోజులు పూర్తి చేసుకున్న ఈ చిత్రం ఇప్పటికీ టిక్కెట్ల వద్ద మంచి ప్రదర్శనను కనబరుస్తోంది.
మేకర్స్ తెలిపిన వివరాల ప్రకారం, ఈ చిత్రం ఇప్పటి వరకు ప్రపంచ వ్యాప్తంగా 11.07 కోట్ల రూపాయల వసూళ్లను రాబట్టింది. అల్లు అరవింద్ సమర్పణలో బన్నీ వాస్ నిర్మించిన ఈ సినిమాలో మురళీ శర్మ, శ్రీరామ్, దేవి ప్రసాద్, ఆమని, ప్రవీణ్ తదితరులు కీలక పాత్రలు పోషించారు. చైతన్ భరద్వాజ్ ఈ చిత్రానికి సంగీత దర్శకుడు గా వ్యవహరిస్తున్నారు.