క్రియేటివ్ డైరెక్టర్ సుకుమార్ దర్శకత్వంలో ఐకాన్ స్టార్ అల్లు అర్జున్ హీరోగా రాబోతున్న ‘పుష్ప 2 ది రూల్’ కోసం ఫ్యాన్స్ ఎంతో ఆసక్తిగా ఎదురుచూస్తున్నారు. ‘పుష్ప 2’ స్పెషల్‌ సాంగ్‌.. శ్రీలీల డ్యాన్స్‌ చేసిన స్పెషల్‌ సాంగ్‌ ‘కిస్సిక్‌’ వచ్చేసింది. ఎప్పుడెప్పుడు విడుదలవుతుందా? అని ఎదురుచూసిన ఈ పాట లిరికల్‌ వీడియో ప్రస్తుతం విపరీతంగా ఆకట్టుకుంటుంది. ముఖ్యంగా లిరిక్స్ తో పాటు శ్రీలీల స్టెప్స్ కూడా అలరిస్తున్నాయి. మొత్తానికి బన్నీ – శ్రీలీల కెమిస్ట్రీ కూడా చాలా బాగా కుదిరింది. డిసెంబరు 5న సినిమా బాక్సాఫీసు ముందుకు రానుంది.
ఇక ఈ మూవీలో నేషనల్ క్రష్ రష్మిక మందన్న హీరోయిన్ గా నటిస్తుంది. కాగా మైత్రి మూవీ మేకర్స్ సంస్థ పై నవీన్ ఎర్నేని, వై. రవిశంకర్ పాన్ ఇండియన్ రేంజ్ లో గ్రాండ్ గా నిర్మిస్తున్నారు. ఈ భారీ బడ్జెట్ చిత్రానికి దేవి శ్రీ ప్రసాద్ తో పాటు తమన్ కూడా సంగీతం అందిస్తున్నారు. మొత్తానికి పుష్ప-2 చిత్రానికి సంబంధించిన టికెట్లను బుక్ చేసుకునేందుకు అభిమానులు ఆసక్తిగా ఉన్నారు. మరి ‘పుష్ప 2’ డిసెంబర్ 5న ఎలాంటి ట్రీట్ ఇస్తుందో చూడాల్సిందే.
