పాన్ ఇండియా స్టార్ ప్రభాస్ ప్రస్తుతం వరుసగా సినిమాలను ఓకే చేస్తూ ఇండియన్ బాక్సాఫీస్‌ను అల్లాడిస్తున్నాడు. ఇప్పటికే ఆయన నటిస్తున్న ‘ది రాజా సాబ్’ వచ్చే సమ్మర్‌లో రిలీజ్‌కు రెడీ అవుతోంది. ఈ సినిమాతో పాటు దర్శకుడు హను రాఘవపూడి డైరెక్షన్‌లో ‘ఫౌజీ’ అనే సినిమా కూడా స్టార్ట్ చేశాడు. ఇక దర్శకుడు సందీప్ రెడ్డి వంగా దర్శకత్వంలో ‘స్పిరిట్’ అనే సినిమాను కూడా లైన్‌లో పెట్టాడు.
ఈ ‘స్పిరిట్’ సినిమాపై టాలీవుడ్‌తో పాటు ఇండియన్ మూవీ అభిమానుల్లో సైతం ఓ విషయం ఆశ్చర్యాన్ని రేకెత్తించింది. ఈ సినిమాలో కొరియన్ యాక్టర్ డాన్ లీ విలన్‌గా నటిస్తున్నాడంటూ ఆ మధ్య వార్తలు వినిపించాయి. అయితే, ఈ వార్తలపై ఎలాంటి క్లారిటీ రాలేదు. కానీ, చూస్తుంటే, ఇప్పుడు ఇదే వార్త నిజమయ్యేలా కనిపిస్తుంది. ప్రభాస్, ప్రశాంత్ నీల్ కాంబినేషన్‌లో ‘సలార్-2’ మూవీ కూడా స్టార్ట్ అయిన సంగతి తెలిసిందే. ఇప్పుడు ఈ ‘సలార్-2’ అనౌన్స్‌మెంట్‌పై డాన్ లీ రెస్పాండ్ అయ్యాడు.
డాన్ లీ తన ఇన్‌స్టాగ్రామ్ స్టోరీలో ‘సలార్-2’ చిత్రానికి ఆల్ ది బెస్ట్ చెప్పాడు. దీంతో ఒక్కసారిగా డాన్ లీ సోషల్ మీడియాను షేక్ చేస్తున్నాడు. కొరియన్ యాక్టర్ ‘స్పిరిట్’ సినిమాతో ఇండియాలో దుమ్ములేపుతాడని అందరూ అనుకుంటే, ఇలా ‘సలార్-2’ స్టోరీ పోస్ట్‌తో రచ్చ చేస్తున్నాడుగా అంటూ ప్రభాస్ అభిమానులు ఈ వార్తను తెగ షేర్ చేస్తున్నారు.
