గ్లోబల్ స్టార్ రామ్ చరణ్ హీరోగా కియారా అద్వానీ అలాగే అంజలి హీరోయిన్స్ గా మావెరిక్ దర్శకుడు శంకర్ తెరకెక్కించిన అవైటెడ్ చిత్రం “గేమ్ ఛేంజర్” కోసం అందరికీ తెలిసిందే. మరి ఎన్నో అంచనాలు సెట్ చేసుకున్న ఈ చిత్రం కోసం మెగా ఫ్యాన్స్ కళ్ళు కాయలు కాచేలా ఎదురు చూస్తున్నారు. అయితే ఈ చిత్రం ట్రైలర్ కోసం అంతా ఓ రేంజ్ లో ఆసక్తిగా ఎదురు చూస్తుండగా మేకర్స్ ఈ ట్రైలర్ కోసం ఈ కొత్త ఏడాది కానుకగా బ్లాస్టింగ్ అప్డేట్ ఇచ్చేసారు.
చరణ్ పోషించిన అప్పన్న పాత్ర నుంచి సాలిడ్ పోస్టర్ తో ఈ ట్రైలర్ ని రేపు జనవరి 2న సాయంత్రం 5 గంటల 4 నిమిషాలకి రిలీజ్ చేస్తున్నట్టుగా సమయం ఖరారు చేశారు. దీనితో గేమ్ ఛేంజర్ ట్రైలర్ కోసం ఎదురు చూస్తున్న వారికి ఇది క్రేజీ న్యూస్ అని చెప్పాలి. ఇక ఈ చిత్రానికి థమన్ సంగీతం అందిస్తుండగా దిల్ రాజు భారీ బడ్జెట్ తో నిర్మాణం వహిస్తున్న సంగతి తెలిసిందే. అలాగే ఈ చిత్రం పాన్ ఇండియా లెవెల్లో ఈ జనవరి 10న రిలీజ్ కి రాబోతుంది.
