అక్కినేని యంగ్ హీరో అఖిల్ ప్రస్తుతం తన నెక్స్ట్ చిత్రాన్ని దర్శకుడు మురళీ కిషోర్ అబ్బూరి (నందు) డైరెక్షన్‌లో చేస్తున్నాడు. ఈ చిత్రానికి సంబంధించిన యాక్షన్ షెడ్యూల్ శరవేగంగా జరుగుతుంది. ప్రస్తుతం అఖిల్ పై యాక్షన్ సీన్స్ ను తీస్తున్నారు. ఈ యాక్షన్ షెడ్యూల్ అనంతరం అఖిల్ పై టైటిల్ సాంగ్ ను షూట్ చేస్తారట. ఆ టైటిల్ సాంగ్ కోసం ప్రత్యేకంగా సెట్స్ కూడా వేస్తున్నారట. ఈ సాంగ్ లో అఖిల్ మాస్ స్టెప్స్ చాలా కొత్తగా ఉంటాయని తెలుస్తోంది.
కాగా ఈ సినిమా.. రాయలసీమ బ్యాక్‌ డ్రాప్‌ తో చిత్తూరు ప్రాంతం నేపథ్యంలో తెరకెక్కుతుంది. అఖిల్ మాడ్యులేషన్ కూడా పూర్తిగా చిత్తూరు యాసలోనే ఉండబోతుంది. ఇక ఈ సినిమాలో అందాల భామ శ్రీలీల హీరోయిన్‌గా నటించనుందట. ఈ చిత్ర యూనిట్ అనుకుంటున్న ప్లాన్ ప్రకారం ఈ చిత్రాన్ని దసరా బరిలో రిలీజ్ చేసినా ఆశ్చర్యపోనక్కర్లేదని పలువురు కామెంట్ చేస్తున్నారు. ఇక సినిమాను ‘లెనిన్’ అనే టైటిల్‌తో రూపొంచబోతున్నట్లు తెలుస్తోంది.