టాలీవుడ్ యంగ్ టైగర్ ఎన్టీఆర్ హీరోగా జాన్వీ కపూర్ హీరోయిన్ గా కొరటాల శివ దర్శకత్వంలో తెరకెక్కుతున్న లేటెస్ట్ భారీ మాస్ యాక్షన్ పాన్ ఇండియన్ మూవీ దేవర పార్ట్ 1. ఈ మూవీని యువ సుధా ఆర్ట్స్, ఎన్టీఆర్ ఆర్ట్స్ సంస్థలు భారీ స్థాయిలో నిర్మిస్తుండగా అనిరుద్ రవిచందర్ సంగీతం అందిస్తున్నారు. ఇప్పటికే అనౌన్స్ మెంట్ గ్లింప్స్ తో పాటు పోస్టర్స్ తో ఆకట్టుకున్న దేవర నుండి నేడు ఫస్ట్ గ్లింప్స్ ని రిలీజ్ చేసారు.
ఐదు భాషల్లో రిలీజ్ అయిన ఈ గ్లింప్స్ కి ఎన్టీఆర్ ఫ్యాన్స్, ఆడియన్స్ నుండి సూపర్ గా రెస్పాన్స్ లభిస్తుండడంతో మేకర్స్ ఆనందం వ్యక్తం చేస్తున్నారు. ఈ గ్లింప్స్ సక్సెస్ సందర్భంగా హీరో ఎన్టీఆర్, దర్శకుడు కొరటాల శివ, డీవోపీ రత్నవేలు సహా ఇతర టీమ్ సభ్యులు కలిసి దిగిన పిక్ ప్రస్తుతం సోషల్ మీడియాలో వైరల్ అవుతోంది. కాగా దేవర పార్ట్ 1 మూవీని ఏప్రిల్ 1న పలు భాషల ఆడియన్స్ ముందుకి తీసుకురానున్నారు.
