‘ద‌స‌రా’ కాంబో నాని – శ్రీకాంత్ ఓదెల కలయికలో ఓ సినిమా రాబోతుంది. పైగా నాని కెరీర్‌లో ఇదే భారీ బడ్జెట్ మూవీగా నిలవనుంది. ఏకంగా రూ.100 కోట్లతో మేకర్స్ ఈ సినిమాను ప్రొడ్యూస్ చేస్తున్నారట. దీంతో ఈ సినిమా పై రోజుకొక రూమర్ వినిపిస్తూనే ఉంది. తాజాగా సినిమాలో నాని పాత్ర పై ఓ ఇంట్రెస్టింగ్ అప్ డేట్ వినిపిస్తోంది. ఈ సినిమాలో నాని డ్యూయెల్ రోల్ లో కనిపించబోతున్నారని.. నాని రెండు పాత్రల్లో ఒక పాత్ర చాలా భిన్నంగా ఉంటుందని.. ఈ పాత్రలో నాని లుక్ కూడా చాలా కొత్తగా ఉంటుందని తెలుస్తోంది.
మరి నాని న్యూ మేకోవర్ ఏ స్థాయిలో ఆకట్టుకుంటుందో చూడాలి. అన్నట్టు నాని కోసం శ్రీకాంత్ ఓ స‌రికొత్త కథ రాశాడట. అందులో భాగంగానే ఈ సినిమా కథా నేపథ్యం 80వ దశకంలో సాగుతుందట. నిజ‌మైన నాయ‌కుడికి ఐడెంటిటీ అవ‌స‌రం లేద‌న్న స్లోగ‌న్ ను ఈ సినిమా పోస్ట‌ర్‌పై పెట్టారు. ఈ స్లోగ‌న్ కి తగ్గట్టుగానే ఈ కథలో చాలా వేరియేషన్స్ ఉంటాయట.
